PIV 2026 · Artikolo 10045
★meblo
Derivaĵoj en la artikolo 8
★ meblo movebla objekto, plej ofte farita el ligno kaj servanta por praktika aŭ ornama uzo en ĉambro, loĝejo aŭ oficejo: artiste skulptitaj mebloj Z li havas proprajn meblojn: tablon, seĝojn, ŝrankon, liton ktp ➞ meblotenejo, meblovendisto.
mebla rilata al mebloj: la mebla arto mebla asekuro
mebli tr provizi lokon per mebloj: tre bele meblita sinjorina ĉambro Z meblita luĉambro (figurasence) bone meblita memoro
meblaro
1 tuto de la mebloj en unu ĉambro, apartamento aŭ domo: stila meblaro
2 PRAH ARKE tuto de la objektoj trovitaj en arĥeologia tavolo aŭ en sepultejo.
meblisto metiisto, kiu faras, skulptas kaj ornamas meblojn.
angulmeblo malgranda meblo kun triangula formo, destinita stari en angulo de ĉambro.
letermeblo meblo kun mallevebla tabulo, sur kiu oni povas skribi, kaj kun tirkestoj por enfermi paperojn.
senmebligi forigi el ejo la meblojn: grandaj senmebligitaj ĉambroj de malnova kastelo
telermeblo ŝranko, en kiu oni tenas telerojn, pladojn, glasojn k.s.