PIV 2026 · Artikolo 10909
★neniu
★ neniu
1 difinilo eĉ ne unu:neniu sanktulo estas sen makulo Z tie estas neniu homo nek voĉo de homo MT sur la tuta tera globo neniu kreaĵo estas por mi tiel abomena, kiel araneo Z ekzistas neniu gazeto, en kiu vi ne trovus artikoleton pri la ruzulo Spiegelberg Z neniun helpanton plu mi deziras B ĉe la fenestro restis plu neniuj floroj Z en la teretaĝo estis neniuj fenestroj Z oni alkondukis spionojn, kiuj alportis neniujn novaĵojn B
2 pronomo eĉ ne unu el la indikitaj aferoj:el miaj lernantinoj neniu malsukcesis kiu ĉasas du leporojn, kaptas neniun Z mi ricevis amason da leteroj, sed ankoraŭ neniun mi respondis
3 pronomo eĉ ne unu homo: lando, kiun neniu trapasis kaj kie neniu loĝis MT en la salono estis neniu krom li FE troviĝis ankoraŭ neniu, kiu havus sukceson Z restis neniu, kiu povus reĝi MT mi konas neniun en tiu ĉi urbo FE nesciado de leĝo neniun pravigas Z riĉa estas tiu, kiu ŝuldas al neniu Z