nitr/o

nitra grupo. La grupo NO₂.

nitri (tr) Enkonduki la grupon -NO₂, en organikajn kombinaĵojn.

nitrato. Salo de nitrata acido, HNO₃: kalia nitrato, KNO₃ (Sin. salpetro).

nitreno Ⓚ La tre reakciema radikalo R-N:: nitrenoj estas ofte uzataj kiel etikedreakciantoj en biokemio.

nitrido. Kombinaĵo de metalo kun nitrogeno, ekz. litia nitrido, Li₃N.

nitrito. Salo de nitrita acido, HNO₂.

nitroza acido. Termino, uzata en la teknika procedo de produktado de sulfata acido, koncerne la fazon, en kiu estiĝas sulfato-saturita nitrogena oksido.

nitrumo ☼ Ne klare difinita miksaĵo, precipe konsistanta el diversaj nitrogenaj kombinaĵoj, devenantaj el la malkomponiĝo de animalaj fekaĵoj, urino ks: nitrumeja planto.

nitroksidado ☼ Oksidado de amonio al nitrito (nitritigo) k/aŭ de nitrito al nitrato (nitratigo) fare de nitroksidaj bakterioj.

hiponitrito. Salo de hiponitrita acido H₂N₂O₂.

sennitratigo ☼ Reduktado de nitrato al nitrito, amonio k eĉ nitrogeno fare de nitratreduktaj bakterioj.