PIV 2026 · Artikolo 11062

★nordo

Litero N★ Fundamenta

Derivaĵoj en la artikolo 5
  1. norda
  2. norde
  3. Nord/
  4. nordan/o
  5. nordist/o
★ nordo
1 tiu parto de la horizonto, kiu kuŝas dekstre de observanto staranta sur la ekvatoro kaj rigardanta la subirantan sunon: veli al nordo
2 unu el la kvar ĉefpunktoj. simbolo: N ➞ nordokcidento, nordoriento.
3 tiu parto de la terglobo (aŭ de teritorio) kuŝanta en la direkto de nordo: steloj, kiuj brilis pli klare ol en la alta nordo Z tia beleco, kian oni en la nordo trovas nur en la bluaj okuloj de la norda virino Z la nordo de Eŭropo la nordo de Italujo ➞ Nord-.
4 unu el la du polusoj de magneto.
norda
1 troviĝanta en la nordo: ĉiuj gentoj de la nordaj regnoj MT norda malvarma klimato la norda poluso norda gasto B la nordaj literaturoj la nordaj ŝtatoj de Usono
2 venanta de la nordo aŭ rigardanta al ĝi: norda vento norda lumo ŝatata de la pentristoj norda fenestro norda fasado
norde en la norda direkto: de norde venos la malfeliĉo MT Spicbergo kuŝas norde de Norvegujo rigardi norden MT
Nord indikas la nordan parton de kontinento, lando aŭ oceano. ➞ Nord-Ameriko, Nord-Pacifiko, Nord-Afriko.
nordano persono, kiu kutime loĝas en la nordaj regionoj.
nordisto HIST en Usono partiano de la nordaj ŝtatoj (kontraŭ la sklaveco) dum la milito de 1861–1865.