PIV 2026 · Artikolo 13212

1★re

Litero R★ Fundamenta

Derivaĵoj en la artikolo 4
  1. rea
  2. ree
  3. ree/n
  4. tie/n-ree/n
1 ★ re prefikso
1 denova veno al la antaŭa loko aŭ stato. ➞ rebati, rebonigi, rebrili, reiri, reĵeti, resalti, reveni 1; retro-.
2 ripeto, denova okazo. ➞ rediri, relegi, remaĉi, reveni 2, revidi.
3 ripeto de ago, kies antaŭa rezulto iel estis parte aŭ tute neniigita. ➞ reformi, regeneri, rekoni, rekonstrui.
rea
1 denove okazanta: Karlĉjo estis en Neapolo prepariĝante al rea ekzameno B ili celebris tiun datrevenon per rea vizito al la ŝatata loko RKK
2 revena aŭ reira: dua viro baris al li la rean vojon SPo
ree denove: post kelkaj tagoj mi ree raportos al vi Z ili deziregis ree hejmen Z tiu penso aŭ sento ree kaj ree venis al li en la soleco SEn
reen revene: la pendolo ĉe la granda horloĝo iradis tien kaj reen Z ŝi rapideme kuradis de la tablo al la grandega kverkligna telerŝranko kaj reen, transportante la manĝilaron VVa
1 Uzo de reen kiel prefikso povas kaŭzi konfuzon. Ekzemple reeniri normale signifas «eniri denove» (re·en·ir·i). La samforma verbo reeniri (re·e·n·ir·i) estas malofta kaj evitinda pro la risko de miskompreno. Estas pli klare uzi nuran re kiel prefikson: reiri, reveni, remeti k.s.
tien-reen tien kaj reen; irante de unu loko al alia kaj poste revenante al la unua loko: li ekstaris de la seĝo kaj ekpaŝis tien-reen en la ĉambro SJo oni komencas kuri tien-reen en la ĉambro, ekscitite, freneze FSz aktoroj kuras tien-reen sur la scenejo, senĉese stumblante kaj kunpuŝiĝante OE