PIV 2026 · Artikolo 14019

1★sen

Litero S★ Fundamenta

Derivaĵoj en la artikolo 5
  1. sena
  2. seni
  3. senec/o
  4. senig/i
  5. seniĝ/i
1 ★ sen prepozicio foresto aŭ manko: li donis al mi teon kun sukero, sed sen kremo FE ni povas ankaŭ uzi akuzativon sen prepozicio FE «vi tute ne estas ĝentila,» diris la feino sen kolero FE la generalo venis sen adjutanto B ne ekzistas regulo sen escepto Z sen gutoj malgrandaj maro ne ekzistus Z sen vi sen via helpo la du princinoj neniam plu revidus Egiptujon Z ne eble estas por iu ajn sidi senmove sen tio, ke la sovaĝaj bestoj kuras sur lia korpo B ne venas honoro sen laboro Z tiuj fortoj devis resti por ŝi sen uzo Z sen bezono tro multe serĉadi en la vortaro Z via patro neniam povis ekrigardi vin sen tio, ke li batus sin en la bruston Z li ne povas subskribi sen elmeti sin al ia ankoraŭ ne konata danĝero Z la suno neniam leviĝas sen rigardi milojn da sensangaj bataloj Z li restis du tagojn sen manĝi li nenion volis decidi sen demandi min vi ne permesus vin ofendi sen postuli kontentigon B
1 Kiam sen enkondukas du substantivojn sence najbarajn, tiuj estas ligitaj per kaj 1: eterna nokto sen pensado kaj sonĝado ŝin atendis Z antaŭen sen halto kaj timo! Z la pasintan vivon li rememoris sen sopiro kaj bedaŭro B
sena tia, ke ĝi ion ne (en)havas: poeto preskaŭ sena je liriko PBr en Ĉernobilo, ukraina urbo ĝis tiam sena je aparta famo, eksplodis nuklea reaktoro RPi
seni ntr esti sena je io: rizo senas je gluteno RPi tiu epoko ja ne senis je individuaj laboroj fare de membroj de la grupo MFz
seneco manko; malabundeco; senhaveco.
senigi igi iun aŭ ion sena je/de io: senpripensa mortemulo ricevis nevideblan baton, kiu senigis lin je la konscio, eĉ je la vivo B mi senigas min nun je ĉiaj personaj privilegioj Z la kompatinda edzo estos senigita je sia edzino HVa vastaj sekcioj de la membraro estas aŭtomate senigitaj de sia demokrata rajto esprimi sin libere ILa mi senigis al vi la ĝojojn de via juneco malofta frazkonstruo Z
seniĝi senigi sin je io; liberigi sin de io: li Zamenhof skribis, ke li seniĝas je ĉiuj rajtoj pri la lingvo unu el tiuj knaboj deziris seniĝi je la drogsklaveco CPi ĉu vi ne kredas ke homoj malvolonte seniĝas de bonaĵoj sed volonte de malbonaĵoj? DBr