PIV 2026 · Artikolo 15700
★tinti
Derivaĵoj en la artikolo 12
★ tinti ntr interfrapiĝante eligi klaran sonon iom tremantan: pli ol necese tintis liaj oraj spronoj Z tintis la kristalaj glasoj la malliberulo, kiun la tintanta fera ringo vekas el la sonĝoj de la libereco Z la monon tiuj sentis jam tintadi en la poŝo KKa sonoriloj kantis, telefonoj tintis SEn
(analoge) li trenis sabron kaj tintis per spronoj G iom tinti sur fortepiano ŝi povas Z ili tintas sur psalteroj, pensante, ke ili estas muzikistoj egalaj al David MT tinti sur gitaro
tinta tia, ke ĝi tintas: en poŝoj oro tinta KKa
tinto, tintado sono de io tintanta: kun bruo kaj tinto eniris en la salonon la faraono B aŭdiĝis tintado de la glavoj tintado de la marteloj sur la amboso
tintegi eligi tintegon: la ĉenoj tintegas orelsurdige HGK
tintego laŭta klara sonora sono: tondra bruo de gigantaj lameniloj kaj ĉiea tintego de fero kontraŭ fero SEn estis teruraj krioj kaj metalecaj tintegoj ALö
tintigi igi ion tinti: tintigi monerojn en la mano tintigi la glasojn honore al iu (figurasence) tintigi la rimojn
tintilo
1 malplena metala sfereto, entenanta metalan globeton, kiu per skuiĝo estigas sonon: sonado de tintiloj de muloj Z (analoge) tintilo de biciklo
tintilaro MUZI instrumento konsistanta el tintiloj.
ektinti subite tinti: tia malbono, ke ĉe ĉiu, kiu tion aŭdos, ektintos en ambaŭ liaj oreloj MT
klik1tinto klikbruo.
klik1tintado sinsekvo de klaketoj produktitaj de klikaĵo.
kraktinti eligi komplikitan klaran sonon:ne kraktintu tiel per via ĉeno dirite al hundo Z la glavoj kaj armaĵoj kraktintis Z