PIV 2026 · Artikolo 16631
★vindo
★ vindo ŝtofa peco, per kiu oni ĉirkaŭvolvas ekz. bebon, korpoparton k.a.: farmacia vindo por vundoj la vindoj de infaneto
(figurasence) ĉi tiuj altranguloj volas teni vin en vindoj ne lasi al vi liberon B li ne elrampis ankoraŭ el la vindoj li estas tute sensperta Z
vindi tr
1 ĉirkaŭvolvi suĉinfanon per vindo.
2 ĉirkaŭvolvi korpoparton por kuraci, senmovigi, senfunkciigi aŭ sendanĝerigi ĝin: vindi vunditan brakon vindi al iu la okulojn pasintece en Ĉinujo oni vindis la piedojn de la virinoj
3 senmovige ĉirkaŭvolvi ion aŭ iun: mi kuŝis jam en ĉerko, vindita per morta tolaĵo Z mi, naskita sub jugo, vindita en fero G
vindado ag(ad)o vindi.
vindaĵo
1 sorba peco el ŝtofo aŭ el plasto kaj celulozo, reuzebla aŭ ne, por vindi etan infanon: bebo produktas unu tunon da malpuraj vindaĵoj RTr (figurasence) tiatempe la finnlingva literaturo estis ankoraŭ en siaj vindaĵoj MalR
2 (malofte) alispeca vindo: oni detiris de la sankta libro la hellitere ornamitajn vindaĵojn, per kiuj ĝi estis ĉirkaŭvindita Z
vindiĝi ĉirkaŭvolviĝi: ŝia robo vindiĝis ĉirkaŭ ŝiaj kruroj hedero vindiĝis ĉirkaŭ la portalo
elvindiĝi liberiĝi el vindoj: ni sukcesis elvindiĝi el tiuj implikaĵoj
revindi ŝanĝi la vindaĵojn de infano.