PIV 2026 · Artikolo 16741
★vomi
Derivaĵoj en la artikolo 8
★ vomi tr
1 konvulsie elĵeti tra la buŝo la enhavon de la stomako: li vomis sian tutan tagmanĝon trinku kaj ebriiĝu, vomu kaj falu MT ➞ vomnukso.
2 elĵeti el si ion malbonan: la vulkano vomas lafon
vomo, vomado ag(ad)o vomi.
vomaĵo, vomitaĵo tio, kion oni vomis: ĉiuj tabloj estas plenaj de vomaĵo kaj malpuraĵo MT kiel hundo revenas al sia vomitaĵo, tiel malsaĝulo ripetas sian malsaĝaĵon MT
vomiga tia, ke ĝi estigas vomon: vomiga tartrato vomiga medikamento
vomigaĵo medikamento, aŭ alia substanco, kiu estigas vomadon.
elvomi pli intensa formo de vomi: la Eternulo ordonis al la fiŝo, kaj ĝi elvomis Jonan MT
kontraŭvomigaĵo medikamento, aŭ alia substanco, kiu kontraŭas vomadon.