PIV 2026 · Artikolo 1890

★bieno

Litero B★ Fundamenta

Derivaĵoj en la artikolo 8
  1. bienul/o
  2. alodbieno
  3. etbieno
  4. farm/obieno
  5. farmbieno
  6. feŭdbieno
  7. grandbieno
  8. kulturobieno
★ bieno kampara terpeco kun dependaj kampoj, domoj ktp:Marta naskiĝis en nobela bieno ne tre luksa kaj riĉa, sed bela kaj komforta Z vendi sian tutan bienon, por veturi trans la maron Z reĝa bieno retiriĝi sur sian bienon
bienulo bienmastro.
alodbieno HIST bieno posedata laŭ alodo.
etbieno malgranda bieno prilaborata de la posedanto, ties familianoj kaj eventuale kelke da helpantoj.
farmobieno, farmbieno
1 JURO farmata bieno.
2 kulturbieno: tri knaboj eliris al la najbara farmbieno por ricevi la ĉiutagan laktoprovizon CPi ➞ farmodomo.
feŭdbieno HIST feŭdo 1.
grandbieno bieno tiel granda, ke ĝi postulas gvidadon de specialisto kaj ekspluatadon per multe da laboristoj: la grandbienoj ruinigis la antikvan Italujon ➞ kolĥozo.
kulturobienobieno uzata por terkulturo kaj bredado de bestoj. Sin. farmobieno 2, farmo 1.