PIV 2026 · Artikolo 2621
citozo
citozo BIOL formiĝo kaj moviĝo de veziketoj, kiuj rolas en la interŝanĝoj inter ĉelo kaj ties ekstera medio.
elcitozo alekstera moviĝo de veziketo, kiu kuniĝas kun la ĉela membrano, eligante sian enhavon eksteren: multaj sekrecioj eliras de ĉelo per elcitozo Sin. ekzocitozo.
encitozo alinterna moviĝo (kalikiĝo) de parto de la ĉela membrano, kies rezulto estas enĉela veziko entenanta ion solidan aŭ likvan de la ekstero: fagocitado estas encitozo, per kiu solidaj nutraĵoj penetras en la ĉelon Sin. endocitozo.