★ĉiam

1 Je ĉiu tempo, okazo, fojo: la vero ĉiam venkas ^Z; ĉiuj prepozicioj postulas ĉiam nur la nominativon ^Z; muso la katon ĉiam ofendis ^Z; prenu kiel vi volas, la poto ĉiam bolas ^Z; ne ĉiam per aĝo mezuriĝas la saĝo ^Z; oni donas al mi ĉiam novajn taskojn!.

2 Dum la tuta koncerna tempo: ŝi ĉerpis akvon k alportis al la virino, ĉiam subtenante la kruĉon ^Z; dume la knabo Samuel ĉiam pli kreskis ^X; la fluo fariĝis ĉiam pli k pli forta ^Z; li iris ĉiam pluen k pluen, tiel malproksimen, kiel […] ^Z.

3 En la tuta pasinta tempo: li ĉiam diradis al mi la veron ^Z; de ĉiam la babilona konfuzo de lingvoj estis granda malhelpo ^Z.

4 En la tuta estonta tempo: mi restos ĉiam via amiko; unu fojon ŝtelis pomon, perdis por ĉiam honestan nomon ^Z; forlasi por ĉiam tiun ĉi sendankan landon ^B; ne por ĉiam ni estos disigitaj ^Z. Rim. La ĝusta uzo de por ĉiam koncernas agon, kiu mem ne estas longedaŭra, sed kies sekvoj estas longedaŭraj.