gastr/o

gastra. Rilata al perturboj aŭ malsanoj de la stomako.

gastrino ⚥ Kn de stomakaj polipeptidaj hormonoj, kiuj stimulas la sekreciadon de acido fare de la stomako k havas diversajn malpli gravajn efikojn al la stomako, ezofago, galveziko k pankreato.

gastrito. Inflamo de la stomaka mukozo.

gastralgio. Stomaka doloro, kiun la malsanulo lokalizas ĉe la epigastro.

gastrektomio. Tuta aŭ parta desekco de la stomako.

gastrenterito, gastroenterito. Inflamo de la stomaka k intesta mukozoj.

gastroskopo. Optika instrumento por gastroskopio.

gastroskopio. Rekta esploro k ekzameno de la interna parieto de la stomako. ☞ endoskopo.

gastrostomio. Operacio, estiganta inter la stomako k la ekstero daŭran aperturon, tra kiu oni povu nutri la pacienton, kiam la supra parto de la nutrokanalo estas obstrukcita.

gastrotomio. Operacio, per kiu oni faras portempan aperturon inter la stomako k la ekstero post laparotomio.