PIV 2026 · Artikolo 5693
★hardi
Derivaĵoj en la artikolo 7
★ hardi tr
1 meti ruĝvarmigitan ŝtalon en malvarman likvon por ĝin pli malmoligi kaj pli elastigi: bone hardita glavo
2 malmoligi ion: nudpieda marŝado hardas la plandojn hardita ledo de ŝildo
3 (figurasence) fari iun nesentema pri fizikaj aŭ moralaj suferoj; fortigi la karakteron de iu: la longa kaj malfacila batalado nin hardis Z mizero hardas la korojn maljunulo hardita en malfeliĉoj soldato hardita kontraŭ frosto, laciĝoj obstine ĝi nia bravega anaro paŝas, provita, hardita Z maljuna hardito
hardado ago de hardanto: hardado de fajliloj hardado de spado hardado de klingo hardado en akvo hardado en oleo hardado per martelado hardado de la karaktero
hardebla tia, ke oni povas ĝin hardi: hardebla alojo
hardebleco eco de materialo (ekz. ŝtalo), kiun oni povas hardi per taŭga procedo.
hardiĝi iĝi malmola aŭ fortigita per hardado: hardiĝinta malbonulo
harditeco fizika aŭ morala fortika malmoleco: la harditeco de ŝtalo la harditeco de volo
malhardi
1 varmigi harditan ŝtalon ĝis la bluo, por nuligi ĝian hardecon.
2 moligi aŭ malfortigi ion: la riĉeco malhardas la kuraĝon
rapidharda hardita ŝtalo tia, ke eĉ se malhardite pro troa varmigo (ekz. borilo, kiu tro funkcias), ĝi rehardiĝas mem je meza temperaturo.