★hor/o

1 La 24-ona parto de diurno: horloĝo, kiu sonas la horojn k duonhorojn; astronomia, sidera, vera, norma horo; preni kuracilon je ĉiu horo; ŝveli kun ĉiu horo ^Z; li staris tutan horon ^Z.

2 Ĉiu el tiuj diurnopartoj, numeritaj k difinitaj per orda numeralo: kioma horo nun estas? ^Z; estas la tria, dek minutoj post la tria, la tria k duono, dek minutoj antaŭ la kvara (horo); demandi pri la horo; rigardi la horon sur sia poŝhorloĝo; li havas ĉiam la ĝustan horon; fermite inter la 12a k la 14a (horoj); laboristoj de la dekunua horo ^N (laste venintaj adeptoj); oni donas por manĝi je ĉiu horo; la horo de Grenviĉo, de Centra Eŭropo; la somera, la vintra horo; kvinahora tetrinkado; la hormontra ombro de la sunhorloĝo ^X (☞ gnomono).

3 Tagotempo difinita por fari ion: por ĉiu faro estas horo ^Z; vi venas en bona horo ^Z; vidi vin ekstere en tiu malfrua horo! ^Z; li ankoraŭ iom dormis en la matena horo ^Z; nun estas la horo, en kiu mi ĝuas freŝan aeron ^Z; mia horo ankoraŭ ne venis ^N; teni aŭdiencajn horojn; en la horo de la venko ^B; en la lasta horo de mia vivo ^B; lia horo ekbatis.

4 Daŭro de ĉ. 60 minutoj, utiligata por fari ion: liaj horoj de ĉeestado en la oficejo; ŝi ricevis lecionojn po 20 spesmiloj por horo ^Z; la okhora tago (en kiu la laboro daŭras 8 horojn); la 32hora semajno (postulo de la Eŭropaj laboristoj); trovi la horojn longaj (enui); je unuhora distanco ^Z; trihora vojirado; horpage labori.

5 Momento, en kiu io okazas: ĉu mi ne venkos en decida hor’! ^Z; en malfacila horo eĉ groŝ’ estas valoro ^Z; en la plej malfacilaj horoj ^Z; li ĝuis horojn de gloro, de triumfo; en horo de deprimiĝo li sin mortigis; horo de kulmino.

6 ✞ Preĝoj en la rite difinitaj tempoj de diurno. ➞ matutino, matenlaŭdo, primo, tercio, seksto, nono, vespro, kompletorio.