PIV 2026 · Artikolo 6605
insili
Derivaĵoj en la artikolo 5
insili tr AGRI konservi furaĝon tiel, ke ĝi restas en sukplena stato: insili hordeon ➞ ensiligi.
insilado ago de iu, kiu insilas.
acida insilado procedo konsistanta en aldono de alĝustigitaj kvantoj da acido, per kio estas atingita grado de acideco (pH) inter 3 kaj 4; per la acidigo la metabolaj procesoj estas bremsataj kaj damaĝaj fermentaj procesoj preventataj.
fermenta insilado procedo, kiu utiligas la efikon de la acidoj (precipe laktata acido) produktataj de la enzimoj de plantaj ĉeloj, de diversaj bakterioj k.a. mikroboj.
insilaĵo la produktaĵo de insilado.
insilujo speciala ujo, ordinare cilindra, uzata por insili.