PIV 2026 · Artikolo 7686

1★kelo

Litero K★ Fundamenta

Derivaĵoj en la artikolo 7
  1. kelar/o
  2. kelist/o
  3. enkelig/i
  4. forgeskelo
  5. ŝipkelo
  6. tomb/okelo
  7. vinkelo
1 ★ kelo
1 subtera ĉambro, en kiu oni konservas provizojn, vinon, nutraĵon, karbon ktp: de tie oni venas en malaltan arkaĵan kelon Z en kelo de vinkomercisto ĝi la botelo estis elpakita Z li havas nek ĉelon, nek kelon estas malriĉa Z malfermita kelo tentas al ŝtelo Z
2 (figurasence) tuta provizo da vino entenata en kelo: esprimi fidon je sia kelo fieron pri ĝi Z
3 ĉambro parte aŭ tute subtera, uzata kiel loĝejo aŭ restadejo: ili loĝis en kelo, kiu troviĝis du ulnojn sub la tero Z en la malalta kelo, loĝis malriĉa, malsana knabo Z ➞ karcero.
kelaro la tuto de la keloj sub unu konstruaĵo.
kelisto servisto, kiu zorgas speciale pri la vinprovizoj.
enkeligi malsuprenirigi barelojn k.s. en kelon.
forgeskelo HIST en mezepokaj kasteloj subtera karcero, en kiu oni ofte lasis morti la malliberulon. Sin. forgesejo, ublieto.
ŝipkelo MARN holdo.
tombokelo subtera konstruaĵo uzata kiel tombo.
vinkelo kelo por konservi vinon.