PIV 2026 · Artikolo 7746

★kies

Litero K★ Fundamenta

★ kies
1 demanda morfemo kun pronoma rolo kaj signifanta «de kiu, de kiuj?» en apartena senco: kies tombo tio ĉi estas? Z sinjoro, kies tiuj ĉi soldatoj? Z pri kies morto vi plendas?
2 samsignifa morfemo, enkondukanta dependan demandon: scias la kato, kies lardon ĝi manĝis Z mi demandos lin, kies verkon li tradukis
3 rilativo, signifanta «de kiu(j) la» kaj montranta:
a apartenecon: mi travivis minuton, kies terurecon mi ne povas priskribi al vi samideanoj kies vortoj eble ŝajnis al vi tro fabelaj Z la lando, kies gastoj ni estas Z kies panon oni manĝas, ties agojn oni laŭdas malproksimaj landoj, kies lingvojn ni ne komprenas Z dum tri jaroj, post kies finiĝo ili estis komencontaj MT jen estas la signoj, per kies potenco
Ni
Atingos la celon en gloro Z
la socia problemo, kies unu el la reprezentantoj kaj viktimoj ŝi estis Z
b objektan aŭ subjektan suplementon de agsubstantivo: por kio do tiuj reformoj, kies sola propono estas jam danĝera por nia afero? Z la serpento, de kies mordo mortis via patro, nun portas lian kronon Z