PIV 2026 · Artikolo 7905

kloako

Litero K

Derivaĵoj en la artikolo 3
  1. kloaka
  2. kloakist/o
  3. kloakul/o
kloako
1 kanalo 2, ordinare subtera, tra kiu elfluas la malpuraĵoj kaj ekskrementoj de urbo: mi volus do, ke vi sufokiĝu en kloako ! Z ĵeti sian monon al la kloako ➞ bilĝo, latrino, puto.
2 (figurasence) loko, kie multiĝas plej mallaŭdindaj faroj: tiu urbo, kloako de ĉiuj malvirtoj
3 ZOOL postaĵa poŝo de kelkaj bestoj (reptilioj, birdoj k.a.), en kiu malfermiĝas la ekstremaĵo de la intesta, urina kaj seksorgana kanaloj.
kloaka rilata al kloako: kloaka akvo kloaka kanalo (figurasence) kloaka animo
kloakisto metiisto, kiu laboras en la kloakoj.
kloakulo ZOOL primitiva ovnaska aŭstralia mamulo; ĝi ne havas cicojn kaj la produktita lakto por la idoj troviĝas surhaŭte. membro de la ordo Monotremata (kloakuloj) el la klaso Mammalia Sin. monotremo.