PIV 2026 · Artikolo 8570

★kovi

Litero K★ Fundamenta

Derivaĵoj en la artikolo 8
  1. kovad/o
  2. kovaĵ/o
  3. kovej/o
  4. kovil/o
  5. kovit/ar/o
  6. du/onkovit/a
  7. elkovi
  8. elkoviĝ/i
★ kovi tr
1 ZOOL birdo sidi sur ovoj 1 sufiĉan tempon por havigi al ili konstantan varmon kaj ebligi maturiĝon de la embrio: kokino kovas ovojn perdriko kovas ovojn, kiujn ĝi ne naskis MT ➞ eloviĝi.
2 (figurasence) plej zorge gardi kaj flegi iun: la patrino kovis sian filon
3 (figurasence) kaŝe konservi aŭ prepari ion, por ke ĝi aperu poste: la cindroj kovas la fajron kovi perfidon mute kovata doloro lia koro kovas malamon kaj envion ni kovis la ideon ekde 1989 OE perceptinte tiun antaŭsenton, ŝi kovis kaj flegis ĝin en sia animo SPo
kovado ago kovi: en la tempo de kovado Z
kovaĵo tuto de la kovataj ovoj en nesto.
kovejo
1 loko, kie birdoj kovas: ili rokoj fariĝas kovejo de birdoj Z
2 (figurasence) naskejo, centro aŭ plej aktiva punkto: kovejo de konspiro kovejo de epidemio
kovilo
1 BIOL BAKT aparato por arte kovi ovojn, aŭ por kreskigi mikrobojn, ĉelkoloniojn, histojn k.a.
2 MEDI aparato por gardi en konstanta varmo frunaskitajn infanojn: koviloj por infanetoj liveras al ili konstantan varmon, regulan ventoladon kaj oksigenitan aeron
Sin. inkubatoro.
kovitaro tuto de la birdidoj naskitaj ĉe unu kovado.
duonkovita ovo putrinta, ĉar ne sufiĉe longe kovita.
elkovi
1 sufiĉe longe kovadi, por ke la idoj eloviĝu: la cikonia patrino estis tute certa, ke ŝi feliĉe elkovos Z tie kuŝis anasino sur sia nesto, por elkovi siajn idojn Z
2 (figurasence) estigi aŭ produkti ion: la libereco elkovas kolosojn kaj ekstremaĵojn Z
elkoviĝi iĝi elkovita: (figurasence) ŝian spiriton kaptis mallumaj furioj, elkoviĝintaj sur la fundo de ŝia ribeliĝinta interno Z