PIV Reta Vortaro

PIV · 8911

kusen/o

1 Sako el ŝtofo aŭ ledo, remburita per molaj aĵoj (plumoj, haregoj), por ke oni povu sin oportune apogi sur ĝi: sur la benkojn oni metis kusenojn ; la hundeto havis sian propran kusenon ; veluraj kusenoj de seĝo ; mola lanuga kuseno ; () konscienco senmakula estas kuseno plej mola . kusentego.

2 Ĉiu elasta bordero de la flankoj de bilarda tablo.

kusenego. Longa sako el tolo, plenigita de plumoj, sur kiu oni povas kuŝi. peplomo, plumono.

kuseneto

1 Malgranda kuseno.

2 Speco de malmola eta kuseno, en kiun oni enpikas pinglojn, kudrilojn .

3 Malmola kvadrata kuseno, por inki sigelilon, stampilon .

4 Pufaĵo, kiun oni aranĝis sub la virinaj jupoj.

aerkuseno Protektilo por veturanto, konsistanta el sako, kiu rapidege (30 ms) ŝvelas okaze de kolizio.

kapkuseno. Kuseno, kiun oni metas en la liton, por apogi la kapon: la libron de geografio li ŝovis sub la kapkusenon .

pinglokuseneto. Kuseneto, en kiun oni enpikas la uzatajn pinglojn.