PIV 2026 · Artikolo 8980
★kvin
Derivaĵoj en la artikolo 13
★ kvin
1 numeralo esprimanta la nombron post 4 en la serio de entjeroj. 5 ŝi havis sur ĉiu mano po kvin fingroj Z la kvin sensoj LVV kvin el vi pelos centon MT tragedio en kvin aktoj Z kvin frankoj kvin pundoj kvin dolaroj
2 nomo de la cifero 5.
kvina vicmontra numeralo signifanta ke la koncernataĵo venas post 4 antaŭaj: la kvina paĝo la kvina ĉapitro la kvinan de Oktobro la imperiestro Karolo la Kvina kvina rado ĉe veturado Z
kvine en la kvina loko de elnombrado.
kvino
1 aro de kvin aferoj aŭ personoj.
2 la nombro aŭ cifero 5: li skribis per romana kvino se ambaŭ notoj, kiujn li ricevis, estus kvinoj, li eble estus akceptita Z ➞ kvinteto.
3 LUDO ludkarto markita per la cifero 5: trefa kvino kera kvino
kviniliardo MATE mil kvinilionoj (1033). ➞ iliard-.
kvinobla prezentanta nombron aŭ kvanton, kiu rilatas al alia, kiel kvin al unu: pro la akumulitaj interezoj, li rericevis kvinoblan sumon
kvinoble multiplikite per kvin: la porcio de Benjamen estis kvinoble pli granda, ol la porcioj de ĉiuj MT kvinoble sep estas tridek kvin FE
kvinolo MUZI grupo de kvin notoj, kiuj kune okupas tiun saman tempodaŭron, kiun ordinare havas kvar (iafoje ok) notoj de la sama tempovaloro. ➞ ol- 2.
kvinono ĉiu el la kvin egalaj partoj de tuto: vi donos kvinonon al Faraono, kaj kvar partoj apartenos al vi MT li prenu kvinonon de ĉiuj produktoj MT ok estas kvar kvinonoj de dek FE
kvinopa rilata al kvinopo: kvinopa serio da kartoj
kvinope en grupo de kvin: kvinope ili sin ĵetis sur min FE
kvinopo grupo de kvin aferoj aŭ personoj. ➞ kvinteto.
kvint2o MUZI intervalo 1 inter la unua kaj la lasta de kvin sinsekvaj tonoj de diatona gamo 1 (frekvencoproporcio: 3/2). ➞ t 2.