PIV 2026 · Artikolo 10663

mozaiko

Litero M

mozaiko
1 desegnaĵo aŭ pentraĵo, kunmetita el diverskoloraj tranĉitaj ŝtonetoj aŭ lignaj pecetoj, por ornami pavimon, muron, meblon k.s.: la bizancaj mozaikoj (figurasence) la libro estas agrabla mozaiko da rakontoj ➞ marketri.
2 BOTA ĉia plantomalsano kaŭzata de viruso kaj karakterizata de la disvolviĝo de makuloj (precipe ĉe la folioj), kie verdaj kaj flavaj partoj alternas kun malhele verdaj partoj.
mozaika rilata al aŭ estanta mozaiko: mozaika grundo el ŝtonoj Z
tabakmozaiko BOTA tutmonda, virusa malsano, kiu infektas multajn herbojn kaj iujn lignajn plantojn.