PIV 2026 · Artikolo 10946
★neta
★ neta
1 skribaĵo ricevinta sian definitivan skribformon; prezentanta klaran aspekton, sen korektoj kaj makuloj: neta kopio de manuskripto neta letero nete reskribi sian poemon
1 Ne uzu neta en la senco «(precize) klara, senkonfuza».
2 TEKN tiel farita, ke restas nenia elstaraĵeto, pendantaj fibroj, neregulaj konturoj k.s.: fari netan tranĉon neta muldaĵo la gisa peco rompiĝis nete (figurasence) jen neta aranĝo lasanta lokon al nenia diskuteblaĵo
3 EKON rigardata sen ia kromaĵo; taksata laŭ la nura propra kvanto, valoro k.s.: neta salajro post depreno de la kotizoj k.s. neta prezo ekster ĉia rabato neta gajno neta profito definitiva profito, kiu estas post depreno de elspezoj faritaj aŭ de perdoj okazintaj neta pezo sentara pezo, pezo de la varo mem ne enkalkulante la pezon de pakumo, envolvaĵo
neto io nete skribita.
netigi reskribi nete: netigi sian lernejan taskon
malneta
1 skribo prezentanta forstrekojn, makulojn k.s.
2 TEKN prezentanta konturon, randon kun multaj neregulaĵetoj.
3 EKON tia, ke oni ne dekalkulis ion: malneta pezo kiel oni ĝin legas sur la pesilo, kun la envolvaĵo k.c. malneta salajro kiel oni ĝin skribas sur la tabelo, nominala malneta profito ne dekalkulinte la elspezojn necesigitajn k.c. la malneta enlanda produkto de Kongo estas 5-oble malpli granda ol tiu de Urugvajo MVi
malneto unua prova skribaĵo kun korektoj, plibonigoj aŭ makuloj, laŭ kiu oni poste transskribas la neton. ➞ antaŭplano.