★plan/o

1 Desegno, prezentanta konstruon, urbon aŭ regionon k montranta la situacion, la proporciojn k la rilatojn de la diversaj partoj: gvidlibro kun planoj k ilustraĵoj ^B; verki planon. ☞ skemo.

2 Antaŭe pripensita k ordigita aranĝo de efektivigota verko aŭ entrepreno: la plano de tiu romano estas konfuza; skizi grandiozan planon de propagando; intence k kun antaŭpretigita plano ili neniel volus malutili al iu ^Z; pli aŭ malpli frue mi elpaŝos kun unu plano, por kiu mi jam de longe prepariĝas ^Z; trijara, kvinjara plano (de ekonomia progresigado). ☞ metodo, programo 4, projekto.

3 Rilata malproksimeco, en kiu troviĝas vidaĵoj, aŭ en kiu estas perspektive metataj prezentaĵoj en desegno aŭ pentraĵo: la figuro de la unua plano estas belega; la montoj, kiuj formas la lastan planon; sur la antaŭa plano (de la desegno) staris la floranta rozarbetaĵo ^Z; (f) ĉiam sur la unua plano staris antaŭ mi la bildo de Bourlet ^Z; ni devas meti niajn personajn gustojn sur la lastan planon ^Z. ☞ ebeno, fono, perspektivo, scenejo.

4 📷 Ĉiu parto de filmo, kiu estis fotita sen lokŝanĝo de la kamerao, k povas daŭri de unu sekundo ĝis pluraj minutoj: la plano estas en filmo tio, kio estas la frazo en romano; plano fora (ĝenerala perspektivo), meza (la personoj sen konsidero pri la dekoracio), proksima (la personoj ĝistalie), unua (la vizaĝo), ekstra (nur unu detalo).