PIV 2026 · Artikolo 2007

★blinda

Litero B★ Fundamenta

Derivaĵoj en la artikolo 15
  1. blinde
  2. blindec/o
  3. blindig/a
  4. blindig/i
  5. blindiĝ/i
  6. blindul/o
  7. blindul/ej/o
  8. blindum/o
  9. koloroblinda
  10. koloroblindec/o
  11. koloroblindul/o
  12. nokt/oblinda
  13. nokt/oblindec/o
  14. riverblindec/o
  15. uskl/ec/oblinda
★ blinda
1 ne havanta vidkapablon: blinda de naskiĝo eĉ blinda kokino povas trovi grajnon Z ➞ amaŭrozo.
2 (figurasence) perdinta la kapablon ĝuste kaj kritike juĝi: li estis blinda pri sia danĝera pozicio la blinda amaso Z elirigu la popolon blindan, kiu tamen havas okulojn MT
(analoge) amo kaj kolero estas blindaj blinda fervoro Z blinda obeemeco Z blinda ŝovinismo Z blinda konfido kondukas al perfido eraroj, kiujn niaj antaŭuloj faris el blinda neceseco Z unuanimeco estas afero tre laŭdinda, sed ĝi ne devas esti blinda
➞ fanatika.
3 (figurasence) tia, ke ĝi ne ebligas travidon: blinda muro blinda arkado senapertura blinda fenestro blinda pordo masonfermita blinda flugado sen vido al la grundo blinda vojo kondukanta nenien
blinde
1 kiel blinda persono: mi blinde pafos, eble trafos Z
2 en nekritika kaj senkomprena maniero: ŝi kutimis blinde kaj sendemande obei sian edzon Z blinde kredi Z blinde sin ligi Z ĉiu lingvo natura konstruiĝis blinde senplane Z la sorton de tiu ĉi afero ni jam ne povas blinde sengarantie transdoni al homoj ne preparitaj Z la stilo Esperanta ne imitas blinde la stilojn de aliaj lingvoj Z anstataŭ blinde ĵetadi frazojn, iru kaj rigardu Z
blindeco stato de iu blinda: la homojn la anĝeloj frapis per blindeco MT tio estas ia morala blindeco
blindiga tia, ke ĝi blindigas: torento da blindiga lumo verŝiĝis sur ŝin Z ili deĵetis la blindige blankajn cignajn vestojn Z
blindigi
1 definitive senigi iun je la vidkapablo: variolo blindigis multe da malsanuloj al Cidkija oni blindigis liajn okulojn MT
2 momente malklarigi la vidkapablon de iu: ŝin preskaŭ blindigis la radioj de la suno Z ŝi deturnis la okulojn for de la blindiganta diamanto
3 (figurasence) konfuzi la juĝkapablon de iu: blindigita de la pasio blindigita de rutino Z blindigita de partieco ne volas mi per vortoj vin blindigi Z ➞ polvo 2 Ⓔ.
blindiĝi
1 seniĝi je la vidkapablo: li komencis blindiĝi jam en sia infanaĝo, sed eĉ nun li ankoraŭ iom vidas VEr
2 suferi malklariĝon de la vidkapablo: ĉio brile radiis. La okuloj de la scienculo preskaŭ tute blindiĝis de tio Z
3 (figurasence) perdi sian juĝkapablon.
blindulo homo blinda: ni palpas la muron kiel blinduloj MT inter la blinduloj reĝas la strabuloj Z blindulo kartojn ludi ne devas Z ➞ brajlo 2.
blindulejo institucio por blinduloj.
blindumo BIOL MEDI
1 perturba ŝanĝiĝo de la okula sensemeco, kaŭzita de tro helaj punktoj en la vidkampo, kiuj produktas sur la retinon troan lumigon.
2 subita kaj ne daŭra malfacilo aŭ neeblo vidi pro fizika-fiziologia kaŭzo: blindumo de aviadistoj en flugplonĝo
koloroblinda MEDI ne povanta distingi iujn kolorojn disde aliaj.
koloroblindeco MEDI ĉia anomalio en la perceptado de koloroj, i.a. daltonismo.
koloroblindulo individuo trafita de kolorblindeco.
noktoblinda MEDI havanta nenormale malfortan vidkapablon en malintensa lumo (ekz. dum krepusko). ➞ noktovida, tagvida.
noktoblindeco eco de iu noktoblinda.
riverblindeco MEDI onkocerkozo.
usklecoblinda ne distinganta usklecon: usklecoblinda serĉo ➞ usklecodistinga.