PIV 2026 · Artikolo 15250

★tabelo

Litero T★ Fundamenta

Derivaĵoj en la artikolo 14
  1. tabelar/o
  2. tabelet/o
  3. tabelig/i
  4. en/havotabelo
  5. haktabelo
  6. hortabelo
  7. kalkultabelo
  8. kariertabelo
  9. paftabelo
  10. period/a tabelo
  11. promoci/vic/a tabelo
  12. surtabelig/i
  13. vertabelo
  14. vivtabelo
★ tabelo
1 HIST plato el ŝtono, bronzo aŭ argilo, sur kiu la antikvuloj gravuris per grifelo tekston konservotan: la kojnoformaj tabeloj surhavantaj kojnoforman skribon estis skribitaj, dum la argilo estis malseka, kaj poste malmoligitaj per varmigo la du tabeloj de la interligo kiujn Moseo portis el Sinajo 1 MT desegnu bone sur la tabeloj, por ke leganto povu facile tralegi MT la leĝo de la 12 Tabeloj primitiva kodo en Romo, gravurita sur bronzo (figurasence) skribu ilin sur la tabelo de via koro MT
2 HIST ligna tabuleto, unuflanke kavigita kaj tegita per tavolo da vakso, sur kiu oni desegnis literojn per unu pinta fino de grifelo kaj eventuale forglatigis ilin per la alia, plata fino: tabelojn oni uzis ankoraŭ ĝis la 17a jc forviŝi tabelon glata proprasence kaj figurasence: rigardi ĉion antaŭan nula (figurasence) la spirito de infano estas glata tabelo Sin. tabulo 3.
3 metoda aranĝo kaj ordigo de datumoj en vicoj kaj kolumnoj, sur paperfolio aŭ en komputila dosiero, por faciligi komprenon kaj analizon de la enhavo: tabelo de ĉiuj prefiksoj kaj sufiksoj kune kun ekzemploj por ĉiu el ili Z la genie elpensita tabelo de la korelativaj vortoj ELa la tabelo komparas ses nunajn alfabetojn MKv tiu artikolo prezentis tabelon kun 18 eventoj en 15 landoj en ĉiuj kvin kontinentoj SMa kronologia tabelo de la imperiestroj de Germanujo multiplika tabelo tabelo de logaritmoj tabelo de enhavo de verko ➞ etato, skemo, sinoptika, Mendelevo, indekso, registro, menuo.
4 KOMP datumstrukturo konsistanta el aro de samspecaj elementoj, kiujn oni referencas per indicoj, ĝenerale entjeroj en iu intervalo; la nombro de indicoj estas la nombro de dimensioj de la tabelo: unudimensia tabelo el reeloj tridimensia tabelo el reeloj ➞ matrico, vico.
tabelaro libro, kiu entenas la diversajn tabelojn de difinita fako: tabelaro de longitudoj tabelaro de logaritmoj tabelaro de la fervojoj
tabeleto malgranda tabelo: ili devas porti en la poŝo tabeleton de multobligado Z
tabeligi prezenti ion sub formo de tabelo.
enhavotabelo TIPO komence aŭ fine de libro aŭ revuo listo de la ĉapitroj aŭ artikoloj.
haktabelo KOMP datumstrukturo, en kiu oni serĉas rikordon ĉe pozicio difinita per hakvaloro de ĝia konigilo. ➞ hakfunkcio.
hortabelo horaro 2.
kalkultabelo baremo.
kariertabelo listo de la diversaj titoloj, funkcioj k.s. de iu persono dum ties kariero. ➞ vivprotokolo.
paftabelo tabelo, kiu montras la elementojn de la celado por ĉiuj distancoj kaj cirkonstancoj de la pafado.
perioda tabelo KEMI tabelo, en kiu la elementoj estas aranĝitaj laŭ siaj atomnumeroj tiel, ke elementoj kun similaj ecoj troviĝas en la sama kolumno. ➞ grupo 5.
promocivica tabelotabelo, en kiu la koncerna instanco periode publikigas la liston de la personaro de difinita administracio, kun indiko de la promocioj.
surtabeligi enskribi ion sur tabelo 1.
vertabelo
1 MATE tabelo, kiu prezentas ĉiujn kazojn kaj rezultojn de iu logika operacio. ➞ disjunkcio, konjunkcio, implico, negacio.
2 ELEK KOMP tabelo, kiu montras la eligaĵajn valorojn de cifereca cirkvito por ĉiuj eblaj kombinaĵoj de la enigaĵaj valoroj. ➞ bulea, kombinilo.
vivtabelo tabelo montranta la probablojn de vivo je ĉiu jaraĝo.