★tabel/o

1 ♜ Plato el ŝtono, bronzo aŭ argilo, sur kiu la antikvuloj gravuris per grifelo konservotan tekston: la kojnoformaj tabeloj (surhavantaj kojnoforman skribon) estis skribitaj, dum la argilo estis malseka, k poste malmoligitaj per varmigo; la Tabeloj de la Interligo ^X (kiujn Moseo portis el Sinajo); enskribu la vizion k desegnu bone sur la tabeloj, por ke la leganto povu facile tralegi ^X; la leĝo de la 12 Tabeloj (primitiva kodo en Romo, gravurita sur bronzo); (f) skribu ilin sur la tabelo de via koro ^X.

2 ♜ Ligna tabuleto, unuflanke kavigita k tegita per tavolo da vakso, sur kiu oni desegnis literojn per unu pinta fino de la grifelo k eventuale forglatigis ilin per la alia, plata fino: tabelojn oni uzis ankoraŭ ĝis la 17a jc; forviŝi tabelon glata (pf: rigardi ĉion antaŭan nula); (f) la spirito de infano estas glata tabelo.

3 Metoda aranĝo k ordigo de nomoj, nombroj aŭ signoj sur paperfolio aŭ similaĵo tiamaniere, ke oni povas ĉirkaŭpreni la tuton per unu rigardo: tabelo de la solidaj figuroj; kronologia tabelo de la imperiestroj de Germanujo; fari la tabelon de la francaj fromaĝoj kun la respondaj vinoj. ☞ etato, skemo, sinoptika. ➞ Mendelevo.

4 Presita metoda listo de nomoj, nombroj aŭ vortoj, aranĝita tiamaniere, ke la bezonanto povas facile trovi ĉiun el ili: multiplika tabelo; tabelo de logaritmoj; tabelo de enhavo de verko; tabelo de la unuaj versoj de poemaro; tabelo de la geografiaj nomoj, troviĝantaj sur la mapoj de atlaso. ☞ indekso, registro, menuo.

5 💻 Datenstrukturo, konsistanta el aro da samspecaj elementoj, kiujn oni referencas per indicoj, ĝenerale entjeroj en iu intervalo; la nombro de indicoj estas la nombro de dimensioj de la tabelo: unudimensia, tridimensia tabelo el reeloj. ☞ matrico, vico.