matric⁹o

1 Gravurita metala peco aŭ muldilo, pere de kiu oni povas fabriki similajn pecojn per stampado aŭ per fandado: matricoj por medaloj, moneroj, aŭtoplatoj.

2 📖 Muldilo, por reprodukti tipojn per fandado.

3 Muldilo el kartono, kiun oni ricevas premante ĝin malsekan sur kompostaĵon, k el kiu oni povas poste elfandi kliŝon.

4 Ⓣ Reliefa muldilo, el kiu oni ricevas reproduktaĵojn per galvanoplastiko.

5 ∆ Aro de objektoj aranĝitaj ortangule en horizontaloj k vertikaloj (horizontalaj k vertikalaj linioj): simetria, hermita matrico; determinanto, transponaĵo de matrico. ☞ tabelo.

6 ⊕ a) (ark.) = gango 2. b) Etgrajna aŭ sengrajna parto, kiu kunligas grandajn erojn de petro. ☞ cemento, pasto.