PIV 2026 · Artikolo 1918
bildo
Derivaĵoj en la artikolo 18
bildo
1 videbla aspekto de objekto, sceno k.s., formita de la lumradioj devenantaj de ĝi: la bildo formiĝas sur la retino ŝi vidas sian spegulan bildon en la trankvila akvo Z la lageto reflektis la bildon de la plena luno ĝi estas bela bildo, kiam oni vidas, kiel la belforman beston ĉirkaŭprenas duonnuda bubo Z FIZI reala bildo virtuala bildo (➞ fokuso).
2 videbla aspekto de objekto, sceno k.s., reproduktita per desegno, pentrado, skulptado, fotado, filmado k.s.: la bildo de Venero tiel vivoplena kaj flama, kiel Ticiano tion vidis Z unu ombrelo estas kun bildoj ; la dua estas tute sen desegnoj Z li skulptis grandan lignan bildon Z tro hela bildo de fotografaĵo konfuza bildo de fotografaĵo ili havis antaŭ si vivantan bildon, en kiu partoprenis ĉirkaŭ cent figurantoj B
3 pentraĵo aŭ skulptaĵo prezentanta diaĵon: mi iras, Por La bildon de l’ diino resanktigi Z ŝi aspergu per lia sango la bildojn de la dioj Z ne faru al vi bildon de io, kio estas en la ĉielo MT ➞ ikono, idolo.
4 (figurasence) io, kio similas laŭ la aspekto: Dio kreis la homon laŭ Sia bildo MT al li naskiĝis filo laŭ lia bildo kaj simileco MT mi tiele kreskis, viva bildo De mia patro Z mi diktas al unu skribaĵisto la vivan bildon de unu tiea doktoro Z la mildaj kamparaj ludoj estas la bildo mem de la paco
5 (figurasence) prezentaĵo de objekto aŭ okazaĵo en ies imago: centoj da bildoj tiam glitis tra liaj pensoj Z aperis al ŝi la bildo de ŝia mortinta fianĉo en vi ili revekis la belan bildon de reveno hejmen Z mi ĉiam revidas en mia spirito la bildon de tiu terura nokto tio ĉi estas ja viva bildo de la lasta juĝo Z jen la fidela bildo de nia situacio analizadi la konfuzitan bildon de la universala mizero Z
6 MATE la valoro de bildigo ĉe iu elemento el la argumentaro.
bildaro
1 aro de bildoj: mi ekparoligas komencantojn helpe de bildaro CGa Medicina Bildaro Fotografa TCa
bildero KOMP unu el la punktoj, kun difinitaj helo kaj koloro, el kiuj konsistas bildo ekz. sur komputila ekrano. Sin. rastrumero.
bildigi
1 prezenti sub formo de bildo: li ĝoje bildigis al si la surprizan mienon de la infano vortoj ne bone bildigas objektojn SŠt ➞ imagi.
bildigo
1 prezento per bildo(j): li riĉigis siajn mapojn per skiza bildigo de kiel eble plej multaj pejzaĝeroj IEr abunda bildigo de informoj instrue Ko
2 MATE inter du aroj A kaj B matematika rilato f tia, ke ĉiu a en la argumentaro A apartenas al precize unu paro (a, b) de la rilato; oni tiam diras, ke b = f(a) estas la bildo de a per f, kaj ke f bildigas la argumentaron A al la celaro B. Sin. funkcio. ➞ simetria; adjunkta, lineara; malbildo.
afina bildigo MATE la sumo de lineara bildigo kaj konstanto.
bit1obildo KOMP bildo difinita per tabelo de nombroj, kiuj difinas la koloron de po unu bildero. Sin. rastrumo.
gipsobildo BELA statueto, bareliefo k.s. el gipso.
klar1bilda prezentanta klarajn bildojn: li rakontis tion tiel klarbilde, kvazaŭ tio okazus nun antaŭ iliaj okuloj Z ➞ elvokiva.
lumbildo TEKN
1 diapozitivo aŭ simile projekciebla bildo: amiko invitis min kaj petis min kunporti kelkajn lumbildojn, por ke mi parolu por liaj gastoj MalR
2 (analoge) KOMP paĝo de komputila prezentaĵo: en oficejo tradicia komputilo estas nepra helpanto por laboro: verki dokumentojn, plenigi kalkultabelojn, prilabori fotojn kaj bildojn, krei prezentaĵojn kun lumbildoj Mo
3 grandigita bildo, kiu aperas, kiam oni projekcias lumbildon aŭ lumbildo 2: vespere okazis prelegoj, ludoj, spektado de lumbildoj OE (figurasence) la monda historio estas magia lanterno, kiu per lumbildoj sur la malluma fono de la epoko montras al ni Z
membildo PSIK ies opinio pri la propra karaktero kaj valoro.
movbildo FOTO ĉiu el la bildoj, kiuj kune formas filmon (aŭ parton de ĝi): la projekciado komencas montri sur la ekrano la unuajn movbildojn de la filmo ENa ➞ animaciaĵo.
olebildo, oleobildo BELA pentraĵo:la ĉefa altara bildo, oleobildo, montras la transfiguriĝon de Kristo JHa
signobildo TIPO grafika aspekto de signo 5 aŭ grupo de signoj: la signobildoj de tiparo ➞ tipo, ligaĵo.
spegulobildo bildo rezultanta el reflekto en spegulo: paruo vidas sian spegulbildon kaj senhezite atakas WKl (figurasence) la ekstera vivo estas nur spegulbildo de la internoj de la homoj SEn
titolbildo frontispico 3.
tolbildo BELA pentraĵo.