PIV 2026 · Artikolo 14601
★spegulo
Derivaĵoj en la artikolo 9
★ spegulo
1 glata brila surfaco, polurita aŭ ne, kiu resendas lumon kaj bildojn de objektoj: ne helpas spegulo al malbelulo Z ŝi rigardis sin en la spegulo dum simio tenas antaŭ ŝi spegulon Z FIZI interferigaj speguloj
2 (figurasence) io, kio donas ĝustan prezenton aŭ fidindan reprodukton de io: de l’ koro spegulo estas la okulo Z tiu figuro estis ŝia propra figuro, reflektita en la spegulo de ŝia imago Z spegulo klara de la eterna nostalgio KKa
spegula rilata al spegulo aŭ spegulado; simila al spegulo: spegula vitro Z la spegula supraĵo de la arbaraj lagoj krispiĝis Z Helga pensis, ke ŝi vidas sin mem, sian spegulan bildon en la trankvila akvo Z spegula skribo kvazaŭ vidata en spegulo FSz
speguli tr
1 resendi la bildon de iu aŭ io kiel aŭ kvazaŭ spegulo: la kvieta kanalo spegulas la mezepokajn frontonojn
2 (figurasence) fidele prezenti; ĝuste vidigi: vidante sian krimon spegulitan en arta prezentado en teatro Z ŝiaj okuloj spegulis ŝian internan amon Z lia vizaĝo spegulas sanon tiuj vortoj klare spegulas la animstaton de la partoprenintoj tiu artikolo ne spegulas la opinion de la redakcio tiu traduko ne spegulas fidele la originalan tekston bona prononco estas tiu, kiu spegulas la fonologian karakteron de Esperanto JWe ➞ riveli.
spegulado ago speguli. ➞ spegulbildo.
speguliĝi iĝi spegulita: la graciaj turpintoj speguliĝas en Isefjord fjordo Z pri branĉoj oni povus preskaŭ kredi, ke ili estas pentritaj sur la fundo de la akvo, tiel klare tie speguliĝis ĉiu folio Z en la brile purigitaj fenestraj vitroj la suno feste serene speguliĝis Z (figurasence) lia amo speguliĝas en ĉiuj tiuj leteroj
spegulumo MEDI instrumento, kiu tenas aperta la orificon de organisma vojo aŭ kavo por malkaŝi la internon ĉe ekzameno: naza spegulumo orela spegulumo anusa spegulumo vagina spegulumo okula spegulumo
1 Tiu ĉi instrumento estas tiel nomita, ĉar, laŭ speguli 2, ĝi ebligas vidi la detalojn de la ekzamenotaĵo. Sed ĝi ne enhavas spegulon.
faŭltospegulo GEOL faŭltolipo elmetiĝinta pro erozio, ĝenerale kun strioj, kiuj montras la direkton de la faŭlta moviĝo.
retrospegulo direkteble fiksita spegulo, kiu ebligas al aŭtisto vidi tion, kio okazas malantaŭe. Sin. retrovidilo.
tualetspegulo granda movebla spegulo klinebla sur framo.
venus2ospegulo speco de kampanulaco, unujara ornama planto. specio Legousia speculum-veneris Sin. venusospegula leguzio.