PIV 2026 · Artikolo 13519

riveli

Litero R

Derivaĵoj en la artikolo 5
  1. rivelo
  2. rivelad/o
  3. rivelant/o
  4. rivelil/o
  5. nudrivela
riveli tr
1 aperigi aŭ malkovri ion, kio estis nekonata, nevidebla aŭ sekreta: li rivelis al mi ĉiun penson sian FDi riveli la detalojn de la ama vivo de la historiaj personoj la enketo rivelis, ke la krimulo sin kaŝis malantaŭ unu el la platanoj CPi ŝia pozo rivelis bele formitajn nilonŝtrumpajn krurojn CPi ➞ malkaŝi, revelacii.
2 FOTO aperigi per specialaj ĥemiaj banoj la latentan bildon (negativon aŭ pozitivon) sur la impresita tavolo de plako, filmo aŭ papero: iri al la gazeta oficejo, transdoni ĉi tiujn filmojn, por ke ili rivelu la fotojn CPi
rivelo, rivelado ago riveli.
rivelanto
1 iu, kiu rivelas ion: li transdonis dokumenton por premii Snowden kiel rivelanton de ŝtataj sekretoj JMI la tempo, rivelanto de ĉiaj aferoj FDi
2 KEMI substanco konvena por rivelado, kaj ankaŭ ĝia solvaĵo en akvo. Sin. rivelilo. ➞ reduktanto.
rivelilo rivelanto 2.
nudrivela danco tia, ke dum ĝi la dancist(in)o iom post iom nudigas sin. ➞ striptizo.