PIV 2026 · Artikolo 7562
★kaŝi
Derivaĵoj en la artikolo 29
★ kaŝi tr
1 forigi de videblo aŭ observeblo aferon aŭ estaĵon, per kovrado aŭ metado en sekretan lokon: en polvo mi kaŝis mian kornon MT la virino rapide kaŝis la manĝaĵon kaj la vinon en sian bakfornon Z mi vidis grandan senharaĵon, kiun li pro malvera honto ĉiam tiel zorge kaŝis Z oni kaŝis lin for de Atalja MT Li kaŝos antaŭ ili Sian vizaĝon MT mia ora ringo ne estus nun tiel longe serĉata, se ĝi ne estus tiel lerte kaŝita de vi FE kaŝi al si la vizaĝon post la manoj
2 daŭre enteni, kovri aŭ bari aferon aŭ estaĵon tiel, ke ĝi ne estas videbla aŭ observebla: la ĝermo ne scias ja, ke ĝi kaŝas en si kreskaĵon kaj floron Z la bela ŝelo kaŝis en si maldolĉan kernon Z la lumo estas kaŝata al ni per la kurtenoj ŝi sidis, kaŝata de la ĉirkaŭstarantaj grupoj da kreskaĵoj FK neĝo kaŝas nur ĝis printempo nenio restas longe sekreta Z (figurasence) fremdan vundon kaŝas vesto Z (ni ne scias pri la suferoj de proksimulo) ➞ kovri, maski, ŝlosi, vuali.
3 ASTR astro dumtempe malaperigi, je la vido de observanto, alian astron pro paso antaŭ tiu ĉi.
4 forigi ion for de ies scio, ne dirante aŭ ne esprimante ion: kaŝi scion MT kaŝi malamon MT kial do mia patro kaŝus antaŭ mi ĉi tiun aferon? MT mi ne kaŝis antaŭ li eĉ la plej malgrandan cirkonstancon Z ni ne kaŝos antaŭ nia sinjoro, ke monon ni jam ne havas MT ĉu mi kaŝos antaŭ Abraham, kion Mi faras? MT tio estos kaŝita antaŭ ŝia edzo MT mi kantos pri la bono kaj malbono kiu estas kaŝata antaŭ vi la imperiestro Z oni ne povas kaŝi la veron al la tuta publiko dum la tuta tempo CPi saĝulo kaŝas sian ofendon ➞ hipokriti, ignori, mensogi, sekreti, sufoki, forsilenti.
kaŝi sin iu kaŝi 1 sian korpon; restadi en kaŝita pozicio: ŝi forkuris kaj kaŝis sin en la arbaro FE mi min kaŝis sub la vesto de unu vendistino Z mi devas min kaŝi de antaŭ Via vizaĝo MT neniu alia ŝin forkaptis, krom Aulus, kaj ke en plej malbona okazo Aulus devas scii, kie ŝi kaŝas sin restadas kaŝita LiZ David ja kaŝas restadas kaŝita sin sur la monteto Ĥaĥila, kiu estas antaŭ la dezerto MT (figurasence) la suno baldaŭ sin kaŝos Z Sin. kaŝiĝi.
1 Frazoj kun «kaŝi sin» ofte estas dusencaj. La senco povas esti aŭ «meti sin en kaŝitan pozicion», aŭ «restadi en kaŝita pozicio».
kaŝa tia, kian ne povas trafi ies okuloj aŭ scio: kaŝa rideto kaŝe mortigi MT
kaŝo ago kaŝi: vi scios la tutan veron sen pluaj kaŝoj Z
kaŝ prefikso kaŝita aŭ sekreta. ➞ kaŝangulo, kaŝkomerco, kaŝnomo, kaŝpasaĝero.
kaŝado agado de iu, kiu kaŝas: kaŝado de la vero estas mensogo
kaŝaĵo io, kion oni kaŝas.
kaŝebla tia, kian oni povas kaŝi: tuso kaj amo ne estas kaŝeblaj Z
kaŝeco eco de iu aŭ io kaŝita: agiti en kaŝeco
kaŝejo loko, kie oni kaŝas aŭ kaŝiĝas: eksciu ĉiujn kaŝejojn, kie li sin kaŝas MT la virino eĉ ne scietis, al kia grava persono ŝi donis kaŝejon Z
kaŝiĝi kaŝi sin: Adam kaj lia edzino kaŝiĝis de Dio inter la arboj MT se ili kaŝus sin sur la supro de Karmel, se ili kaŝiĝus for de Miaj okuloj sur la fundo de la maro MT
kaŝiĝejo kaŝejo: la birdo serĉis por si rapide kaŝiĝejon en malluma truo Z
kaŝinda meritanta kaŝon.
kaŝisto ricelisto: ne ŝtelus ŝtelistoj, se ne ekzistus kaŝistoj Z
kaŝita tia, ke oni ĝin kaŝis: nur ĝia Kreinto de la mondo scias, kio kuŝas kaŝita sub la eksteraĵo Z li ĵetadis kaŝitan rigardon en sian libron Z ili ĵetadis kaŝitajn rigardojn sur la aliajn Z neniu eĉ plej malgranda el ĝiaj mankoj restis kaŝita Z kaŝitajn donacojn akceptas malvirtulo MT pli bona estas riproĉo nekaŝita, Ol amo kaŝita MT ➞ latenta, sekreta.
kaŝite rezulte de kaŝo aŭ sinkaŝo: kaŝite subĵetante kadavron de infano en la malamikan domon de hebreo Z ĉio, kio estas tenata kaŝite tie malantaŭ seruro kaj riglilo Z kio vendiĝas kaŝite, vendiĝas plej profite ➞ nigra merkato Z
kaŝitaĵo io, kion oni kaŝis: malfermiĝis la vido en la kaŝitaĵon Z Vi metis Nian kaŝitaĵon antaŭ la lumon de Via vizaĝo MT li malkaŝas la profundaĵon kaj kaŝitaĵon MT
kaŝiteco eco de io kaŝita.
malkaŝa
1 diskonigita: ŝia hontindeco fariĝis tro malkaŝa MT ➞ fama.
2 ne sin kaŝanta; sincera; lojala: malkaŝa konduto malkaŝe paroli
malkaŝi diskonigi aŭ klare sciigi kaŝitaĵon aŭ kaŝindaĵon: la tempo ĉiam malkaŝas la veron Z Sian intencon Li malkaŝas al la piuloj MT kiu malkaŝas sekreton, tiu estas kiel kalumnianto MT tiu abomeninda malvirto malkaŝas sin per la mortpala vizaĝo Z tiam estus malkaŝite al ŝi, kiamaniere oni povas akiri la vivon Z la Malkaŝanto de kaŝitaĵoj MT ➞ konfesi, manifesti, montri, revelacii, aperigi, malkovri, rekoni, publikigi, senmaskigi, senvualigi.
malkaŝo
1 ago de iu, kiu malkaŝas.
2 revelacio.
malkaŝeco eco de io aŭ iu malkaŝa: en la rilatoj kun la personoj, kiuj sin turnas al mi, malkaŝeco estas mia devo Z
malkaŝema tia, kia ne havas sekretojn kaj parolas malkaŝe.
malkaŝiĝi iĝi malkaŝita: la kaŝitaĵo malkaŝiĝis al Daniel en nokta vizio MT
nekaŝebla tia, kian oni ne povas kaŝi.
rekaŝi denove kaŝi: ne prenis pastro la donon — rekaŝu sako la monon Z
ŝtelaĵokaŝisto, ŝtelaĵokaŝisto KOMU ricelisto: ŝtelaĵokaŝisto mem estas ŝtelisto Z