PIV 2026 · Artikolo 3597

ekrano

Litero E

Derivaĵoj en la artikolo 8
  1. ekrani
  2. ekraneg/o
  3. eksterekrana
  4. fluoresk/a ekrano
  5. larĝekrana
  6. lumekrano
  7. surekranig/i
  8. tuŝekrano
ekrano
1 mebleto uzata por ŝirmi kontraŭ ardo de fajro: proksime de la kameneto, sub ŝirmo de verda ekrano, staris tablo Z ➞ fendro.
2 blanka tuko aŭ surfaco, sur kiun oni projekcias luman bildon de objektoj: kinematografa ekrano
3 KOMP komputila eligilo aŭ enigilo, kiu vidigas informojn al la uzanto: katodradia ekrano komputila ekrano likvakristala ekrano ➞ vidigilo.
4 FIZI TEKN kovrilo aŭ vando, kiu ŝirmas difinitan spacon kontraŭ difinitaj danĝeraj efikoj: elektra ekrano magneta ekrano ➞ ŝirmilo.
5 FIZI TEKN plato tralasanta lumon kaj ŝmirita per speciala substanco, sur kiun oni projekcias radiojn por videbligi ilin: ekrano de katodradia tubo ekrano de Rentgen-aparato Sin. lumekrano.
ekrani ntr funkci kiel ŝirmilo: ĉe ĉiu rideksplodo, ŝia mano protekte ekranis antaŭ la buŝo RSc
ekranego mebleto el faldeblaj platoj, per kiu oni ŝirmas sin kontraŭ aerfluo en ĉambro, aŭ apartigas ian parton de ĉambro. Sin. ventoŝirmilo 2.
eksterekrana FOTO sono aŭ dialogo venanta de punkto ekster la vidkampo de la kamerao kaj la spektanto.
fluoreska ekrano FIZI TEKN ekrano 5, kiu fluoreskas sub X-radioj, radioj de radioaktivaj substancoj k.s., uzata i.a. en televida teĥniko.
larĝekrana FOTO
1 filmo aŭ formato havanta bildoproporcion signife pli larĝan ol la tradician: larĝekrana filmo
2 televidilo aŭ vidigilo havanta tian larĝan proporcion.
lumekrano TEKN ekrano 5.
surekranigi
tuŝekrano KOMP ekrano 3, kiun oni uzas por enigi datumojn, tuŝante ĝin per la fingroj aŭ grifelo 4: pli ol 50% de la pasvortoj estas nun tajpataj sur tuŝekranoj Ko