PIV 2026 · Artikolo 15155

★ŝirmi

Litero Ŝ★ Fundamenta

Derivaĵoj en la artikolo 21
  1. ŝirma
  2. ŝirmo
  3. ŝirmad/o
  4. ŝirmej/o
  5. ŝirmil/o
  6. ŝirmit/a
  7. fajr/oŝirmil/o
  8. falŝirmil/o
  9. fulm/oŝirmil/o
  10. genuŝirmil/o
  11. kolŝirmil/o
  12. kotŝirmil/o
  13. lamp/oŝirmil/o
  14. malŝirmi
  15. manŝirmil/o
  16. manikŝirmil/o
  17. neŝirmit/a
  18. okulŝirmil/o
  19. rok1ŝirmej/o
  20. sonŝirmil/o
  21. vent/oŝirmil/o
★ ŝirmi tr
1 io protekti iun aŭ ion de danĝero aŭ malagrablaĵo, intermetiĝante inter la du: la ombrelo ŝirmas nin de la pluvo B la remparo ŝirmas la soldatojn de la kugloj B li stariĝis antaŭ ŝi, por ŝin defendi kaj ŝirmi Z la ĥitino ŝirmas la insektojn kontraŭ multaj insekticidoj magneta plato ŝirmanta aparaton kontraŭ la influo de apuda magneta kampo unuj el ni, ŝirmitaj de la flugiloj de la dio de amo Z urbo ŝirmita de marĉoj kontraŭ ĉiuj atakoj (figurasence) ne traktatoj, sed armeoj ŝirmas la limojn B ➞ kovri, tegi, ŝildo 1.
2 iu protekti iun aŭ ion de danĝero aŭ malagrablaĵo, intermetante ion inter la du: por ŝirmi sin kontraŭ la suno, ŝi havis sur si grandan ĉapelon Z ŝirmu vin sub mia ombro MT ĝis nun oni ĉiam ankoraŭ havis la eblon ŝirmi kontraŭ la sablo la tombojn Z ŝirmi siajn okulojn kontraŭ tro akra lumo oni en fruktoĝardenoj faras fajrojn por ŝirmi kontraŭ noktofrosto en la tempo de florado ŝirmi junajn plantojn per pajlaĵo ŝirmi junajn plantojn per ŝprucado
3 (figurasence) gardi aŭ protekti iun: ŝi vojaĝis nokte por ŝirmi sin de la scivolo de la loĝantoj B tiu longa pripenso ne ĉiam ŝirmis min de eraro Z
1 Post pasiva formo de ŝirmi, la prepozicio de montras la ŝirmanton, ne la difekton aŭ danĝeron; oni tiam uzu kontraŭ: la infano estis ŝirmita de la patro kontraŭ la pluvo
4 FIZI malfortigi la efikon de io: elektronoj proksimaj al la kerno ŝirmas ties pozitivan ŝargon la efektiva ŝargo de jonoj en solvaĵo estas malpli granda ol ĝia vera ŝargo pro ŝirmado
ŝirma tia, ke ĝi ŝirmas: ŝirma plato ŝirma ekrano la daktilpalmo etendis sian ŝirman foliaron tre alte Z la kverko etendis siajn branĉojn ŝirme super la junkoj
ŝirmo
1 efiko de io, kio ŝirmas: sub la ŝirmo de la domoj kreskas pomarboj Z
2 ŝirmejo: skarabo renkontis krevpecon de poto; ĉi tiu prezentis ŝirmon Z piedirantoj ekrapidis, por veni sub tegmenton kaj ŝirmon Z ĉiam li donis rifuĝejon kaj ŝirmon al la malriĉuloj B mia forta roko, mia ŝirmo estas en Dio MT
ŝirmado
1 agado ŝirmi: la ŝirmado de la fruktoj kontraŭ la insektoj estas grava parto de la pomologio certigi la ŝirmadon de la studentoj kontraŭ la tuberkulozo per regulaj kontrol-esploroj kiam la ŝirmado de Dio estis super mia tendo MT
2 ELEK aranĝo por malebligi, ke iu cirkvito influu apudan cirkviton kaj/aŭ estu influata de ĝi.
ŝirmejo loko, kie oni estas ŝirmita: trovi ŝirmejon sub tilio milita ŝirmejo kun maŝinpafiloj termometra ŝirmejo blanka lignokesto kun kvar ĵaluziaj flankoj
ŝirmilo ĉia objekto, kiu ŝirmas: ŝirmilo kontraŭ elektra agado (figurasence) en Esperanto li vidas la plej bonan ŝirmilon, por gardi la naciajn lingvojn de konstanta difektiĝado Z ➞ bastiono 3.
ŝirmita estanta sub ies ŝirmo: sur tiu flanko de la arbaro, kiu estis ŝirmita kontraŭ la vento Z ŝi pendigis ĝin la liton sub granda folio de lapo tiel, ke ŝi estis ŝirmita kontraŭ pluvo Z pomarboj kaj rozoj kaŝiĝas en ŝirmitaj lokoj Z tie la kampa muso loĝis ŝirmite kaj komforte Z mi devas stari ĉi tie ŝirmite ĝis la printempo Z
fajroŝirmiloekrano uzata por eviti ŝprucon de fajreroj.
falŝirmilo paraŝuto.
fulmoŝirmilo fulmosuĉilo.
genuŝirmilo ŝirmilo uzata por protekti la genuon dum sporto aŭ laboro.
kolŝirmilo TEKS
1 ortangula peco el ŝtofo, blanka aŭ blua, kiun portas ĉe la kolo kristanaj pastroj, advokatoj aŭ juĝistoj en uniformo k.s.
2 ŝtala lunarka plato, kiun oficiroj iam portis ĉe la kolo.
kotŝirmilo VETU
1 kurba metala strio metita super la radoj de biciklo, motorciklo k.s. por eviti ŝprucadon de koto.
2 ĉiu el la kvar aloj de aŭto, samcele aranĝitaj.
lampoŝirmilospeco de papera, kartona, plasta aŭ metala reflektoro, kiu ŝirmas kontraŭ lumradioj en difinita direkto.
malŝirmi depreni la ŝirmon for de iu aŭ io: mallevante la brakon, li malŝirmis sin kontraŭ la pugno de la kontraŭulo
manŝirmilo speco de kloŝo, kiu ŝirmas la manon de tenanto de sabro k.s.
manikŝirmilo speco de ŝtofa cilindro, kiun lernantoj, oficistoj k.s. ŝovas sur siaj manikoj por ilin ŝirmi de eluziĝo.
neŝirmita tia, ke ĝi estas sen ŝirmo: la nombro de ĉiuj urboj , kiel de la urboj fortikigitaj, tiel ankaŭ de la neŝirmitaj vilaĝoj MT neŝirmita plantejo
okulŝirmilo
1 kartona aŭ plasta peco, en formo de lunarko, kiun oni almetas ĉe la frunto por ŝirmi la okulojn kontraŭ tro forta suno, lumo k.s.
2 ĉiu el la du pecoj almetitaj al la okuloj de ĉevalo, por ke tiu ne estu timigita de flankaj okazaĵoj.
rok1ŝirmejo PRAH prahistoria homa loĝloko sub korbela roko 1.
sonŝirmilo ELEK rigida ekrano instalita sur laŭtparolilo por malpliigi sonondajn interferojn.
ventoŝirmilo
1 VETU plato el vitro fiksita ĉe la antaŭo de veturilo por ŝirmi la stiranton aŭ pasaĝerojn kontraŭ la blovo de la aero.