★ŝild/o

1 ♜ Malmola kovrilo, kiun la antikvaj militantoj portis per la maldekstra brako por sin ŝirmi kontraŭ batoj k ĵetoj: prenu ŝildon k armilojn, k stariĝu! ^X; tie estis malhonorita la ŝildo de herooj ^X; levi iun sur la ŝildon (honorige); (f) la plej rimarkinda viro de Atenoj, kiu por la popolo estis ŝildo kontraŭ la tridek tiranoj ^Z; (f) ⚔ nuklea ŝildo (la nuklea armilaro de Usono, kiu protektis ties aliancanojn dum la malvarma milito).

2 Ŝirma plato aŭ ekrano, en aparato, maŝino: ŝildo de premaera borilo, de elektra tornilo; termika ŝildo de raketa kajuto.

3 a) Tabuleto, pendigita super butiko aŭ gastejo kun signoj aŭ skriboj anoncantaj la specon de komerco: por vino bona ŝildo ne bezona; lumŝildo. b) (vs) Tabuleto, fiksita ĉe muro de domo k indikanta la nomon k fakon de la tie laboranta persono aŭ entrepreno.

4 ⊕ Vasta regiono de la terkrusto, konsistanta el tre aĝaj (ĝenerale antaŭkambriaj) k tre rigidaj petroj (precipe magmaj k metamorfaj): Kanada, Balta ŝildo. ☞ kratono.