PIV 2026 · Artikolo 15142
★ŝildo
Derivaĵoj en la artikolo 6
★ ŝildo
1 HIST malmola kovrilo, kiun la antikvaj militantoj portis per la maldekstra brako por sin ŝirmi kontraŭ batoj kaj ĵetoj: prenu ŝildon kaj armilojn, Kaj stariĝu MT tie estas malhonorita la ŝildo de herooj MT levi iun sur la ŝildon honorige (figurasence) la plej rimarkinda viro de Atenoj, kiu por la popolo estis ŝildo kontraŭ la tridek tiranoj Z ARME (figurasence) nuklea ŝildo la nuklea armilaro de Usono, kiu protektis ties aliancanojn dum la malvarma milito ➞ ŝildoforma.
2 en aparato aŭ maŝino ŝirma plato aŭ ekrano: ŝildo de premaera borilo ŝildo de elektra tornilo termika ŝildo de raketa kajuto
3 tabuleto kun surskribo aŭ alia informa indikilo: loknoma ŝildo dulingva ŝildo multaj domoj daŭre surhavas ŝildon «vendota» MD ➞ elpendaĵo.
4 GEOL vasta regiono de la terkrusto, konsistanta el tre aĝaj kaj tre rigidaj rokaĵoj: kanada ŝildo balta ŝildo ➞ kratono.
ŝildeto ĉia malgranda plato, surportanta iujn identigajn informojn.
ŝildisto servisto, kiu dumire portadis la ŝildon de sia mastro: antaŭ ili la dioj flugis la flugilhavaj ŝildistinoj Z
blazonŝildo tabuleto en formo de militŝildo, sur kiu estas pentritaj insignoj de iu nobelo, regno, urbo, korporacio k.s.: domoj ornamitaj kaj garnitaj per blazonŝildoj Z ➞ heraldiko, koloro, metalo, pelto; blazonflago; ŝildobazo, ŝildokapo.
brustoŝildo ŝildo, kiun oni portas ĉe la brusto por ŝirmi sin kontraŭ pafoj.
lumŝildo ŝildo 3 lumigita deinterne.
okulŝildo AGRI tiu peco de ŝelo kaj ligno, kiu estas detranĉita kune kun greftota okulo 5, kun kiu ĝi formas greftaĵon.