PIV Reta Vortaro

PIV 2020 · 11578

pajl/o. Aro da sekigitaj tigoj k folioj de kultivplantoj, precipe grenspecoj sengrajnigitaj: sekala, riza, lina pajlo; garbo da pajlo; sen fajro ne brulas eĉ pajlo ; kiel pajlo estas dispremata en sterka koto ; () faradi brikojn sen pajlo (voli labori sen la necesaj rimedoj: ne donu plu pajlon al la popolo por la farado de la brikoj ); disigi la grenon de la aferoj disde la pajlo de la vortoj. kulmo, stoplo. pajlobudo, pajlohomo, pajloŝtopi.

pajla. Konsistanta el pajlo: pajla ĉapelo, tegmento; seĝoj kun kavigita pajla reto ; la edzino fariĝis pajla (provizora) vidvino .

pajlaĵo. Sternaĵo el pajlo, servanta por kuŝi.

pajlero. Unuopa tigo el pajlo: ili estu kiel pajlero antaŭ vento! ; trinki per pajlero; ŝalmo; () alkroĉi sin al pajlero.

pajlokolora. Flava kiel pajlo.