PIV 2026 · Artikolo 14947
★suĉi
Derivaĵoj en la artikolo 17
★ suĉi tr
1 teni ion en la buŝo, por ricevi lakton aŭ sukon farante vakuon per la lipoj: se vi estus al mi kiel frato, kiu suĉis la mamojn de mia patrino! MT feliĉaj estas la mamoj, kiujn vi suĉis NT suĉi oranĝon suĉi ovon suĉi botelon
2 entiri likvon en la buŝon, farante vakuon per la lipoj aŭ simila organo: la cikado suĉas la sukon de la arboj insektoj, kiuj suĉis al ni la sangon suĉi la lakton de dungita nutristino (figurasence) suĉu kaj satiĝu el la brusto de ĝiaj konsoloj; suĉu kaj ĝuu la abundon de ĝia gloro MT
3 teni ion en la buŝo kun movoj de la lango kaj lipoj: li suĉas sian dikan fingron Z suĉi stangeton de ĉokolado suĉi bombonon suĉi sian pipon ➞ midzi.
4 enpreni en si likvon helpe de vakuo, enfiltriĝo aŭ analoga fenomeno: pumpilo, kiu bone suĉas prespapero tro suĉanta la inkon la radikoj suĉas la grundan humidon ➞ sorbi, ĉerpi.
suĉo, suĉado ag(ad)o suĉi.
suĉigi doni al infano aŭ ido mampinton, ke ĝi suĉu ĝin: ŝi malagrafis sian korsaĵon kaj suĉigis la bebon suĉigantaj bovinoj MT
suĉilo
1 ZOOL organo de insektoj k.s., kiu servas al ili por suĉi.
2 kaŭĉuka aŭ plasta aĵo iom cicoforma, kiun oni donas al bebo, por ke ĝi kvietiĝu suĉante ĝin. ➞ cicumo.
3 TEKN meĥanismo servanta por suĉi: suĉilo de sifono
eksuĉi komenci suĉadon: la profeto alpremis la lipojn al la vundo, forte eksuĉis kaj eltiris la venenon FK
elsuĉi
1 suĉi ion el io alia: elsuĉi la medolon el osto
2 tiel forte suĉi ion, ke nenio restas: li ĵus elsuĉis la botelon forĵeti iun kiel elsuĉitan oranĝon
3 plene eltiri la forton, ideojn, monon k.s. de iu: la maljuneco elsuĉis liajn fortojn li scias elsuĉi la cerbon de siaj subalternuloj malbona ekonomia sistemo elsuĉas la landon loĝantaro elsuĉita de la impostoj loĝantaro elsuĉita de la militaj tributoj elsuĉantaj kostoj mi ne lasas min elsuĉi, kiel vi vortludo kun la senco elsuĉi 2 LBe
ensuĉi entiri ion en si: spongo ensuĉas akvon Z li imitis kristanajn morojn kaj ensuĉis liberspiritan manieron de pensado Z
ensuĉebla kapabla esti ensuĉita: infanaĝe ensuĉebla religio EPr
forsuĉi suĉi ion for: la duelantoj devas forsuĉi unu tutan litron da biero, kompreneble seninterrompe, unustreĉe RSc
(figurasence) la neevitebla klimakso forsuĉas de oni la spiron PeS iu estro, kiu subnutras siajn kunsklavojn dum li mem forsuĉas la profitojn ALö
fulmosuĉilo ELEK vertikale fiksita pinta konduktilo por altiri fulmon kaj kondukti la elektron el la atmosfero teren. Sin. fulmoforigilo, fulmoŝirmilo.
laktosuĉi mamsuĉi.
mamsuĉi suĉi lakton el ies mamo: (figurasence) mi mamsuĉis la katolikan fidon kun la lakto FPV Sin. laktosuĉi.
mamsuĉigi suĉigi al iu lakton de sia mamo. ➞ mamnutri.
polvosuĉilo elektra aparato, kiu ensuĉas polvon en sakon por forigi ĝin.
sangosuĉa, sangosuĉanta suĉanta sangon: sangosuĉa moskito
sangosuĉanto
1 kruelega homo: tiu bluflava ĉifono, insigno de profesiaj murdistoj, tiranoj kaj sangosuĉantoj SEn
2 senkompata ekspluatanto. ➞ vampiro.