PIV 2026 · Artikolo 14550

★sorbi

Litero S★ Fundamenta

Derivaĵoj en la artikolo 18
  1. sorba
  2. sorbo
  3. sorbad/o
  4. sorbant/o
  5. sorbec/o
  6. sorbig/i
  7. sorbiĝ/i
  8. sorbil/o
  9. alsorba
  10. alsorbi
  11. alsorbant/o
  12. ensorbi
  13. ensorbiĝ/i
  14. inkosorbil/o
  15. nesorbem/a
  16. resorbi
  17. skusorbil/o
  18. trasorbiĝ/i
★ sorbi tr
1 iu enspirante, entiri likvon aŭ fluidon en la buŝon aŭ nazon:sorbi krudan ovon en la stratoj de la urboj vi sorbas pli da brulgasoj ol da oksigeno (figurasence) sorbi ies parolojn Z (avide aŭskulti) ➞ engluti.
2 io entiri kaj reteni en sin:
a io solida likvon tra poroj: oni uzas specialan paperon por sorbi la inkon B la intesto sorbas la nutrajn elementojn
b io likva gasmolekulojn.
3 FIZI (analoge) materio elpreni parton aŭ tuton de la energio de elektromagneta aŭ partikla radiado: nigraĵo plene sorbas lumon
4 figurasence iu ensorbi 1: ĉiuj animoj sorbis la murmureton de l’ sanktaj vortoj B bele sonas
La agoj de l’ prapatroj, kiam ilin, junulo sorbas kun la ton’ de harpo Z
sorba tia, ke ĝi sorbas: sorba papero sorba vato FIZI sorba koeficiento grando egala al la kvociento de la sorbata radiado en specifa ondolongo per la totala radiado en tiu ĉi ondolongo FIZI sorbaj linioj malhelaj strioj en spektro, indikantaj malpliiĝon de la radiado je difinitaj ondolongoj pro sorbo en la trairita materio
sorbo, sorbado ago de iu aŭ io, kiu sorbas.
sorbanto substanco, kiu povas sorbi.
sorbeco povo de sorbado.
sorbigi
1 igi iun aŭ ion sorbi: sorbigu tiun medikamenton al la malsanulo modera varmigo sorbigas tiun substancon
2 igi ion sorbata: spongo sorbigita de akvo tero sorbigita de sango
sorbiĝi
1 iĝi penetrata de likvo.
2 iĝi sorbata de io sorbanta.
sorbilo ilo aŭ aparato por sorbi: sorbilo de fumoj sorbilo de aerpolvoj
alsorba rilata al alsorbanto: alsorba koeficiento
alsorbi KEMI solido supraĵe kaj malforte fiksi al si fluidon (gason aŭ likvon): karbono alsorbas multajn substancojn Sin. adsorbi.
alsorbanto substanco, kiu povas alsorbi.
ensorbi
1 enpreni ion en sin kaj asimili: post longa batalo la trusto sukcesis ensorbi ĉiujn konkurantajn kompaniojn grupo, kiu iom post iom ensorbus en sin ĉiam pli da homoj el ĉiuj nacioj Z (figurasence) Esperanto devas konstante ensorbi novajn sukojn Z
2 (figurasence) enpreni ion en sian menson kaj asimili: ŝi ĉion diritan tuj ensorbis kaj petis pri pluaĵo Z ŝi ne povis fari tion, ke la neekzercitaj organoj de komprenado ensorbu en sin tion, kion oni enŝutas en ilin Z tiujn ideojn li ensorbis dum sia ekzilo tiu penso tute okupis la maljunulon kaj ensorbis ĉiujn aliajn dezirojn kaj esperojn B
ensorbiĝi iĝi ensorbita: la kolonianoj rapide ensorbiĝis en la amason de la loĝantaro
inkosorbilo iom kurba ilo, sur kiun oni fiksas sorbopaperon por facile sorbi ankoraŭ ne sekiĝintan inkon.
nesorbema tia, ke ĝi ne kapablas sorbi: nesorbema papero ➞ permeabla, tralasa.
resorbi ree sorbi: BIOL la renaj tubetoj resorbas akvon
1 Ne uzu resorbi en la senco de asimili 2.
skusorbilo VETU teĥnika aranĝo por malpliigi la intenson de skuo, de kunfrapiĝo k.s. ➞ amortizilo, bufro.
trasorbiĝi malrapide sorbiĝi tra io: la akvo trasorbiĝadis el la alta musko Z ➞ filtriĝi, ŝviti.