PIV 2026 · Artikolo 4513
★filtri
Derivaĵoj en la artikolo 11
★ filtri tr
1 pasigi likvon, gason, lumon, sonon k.s. tra aparato aŭ penetrebla tavolo por ĝin purigi: tenu okulakvon 24 horojn ofte skuante, filtru Z saĝu, filtru vinon, kaj la esperon longan tondu kurta KKa filtri buljonon la aero estas sterila, kaj la deĵorantoj filtras ĝin 9-foje ĉiun horon per tre potencaj filtriloj CCa eroj de vulkana sulfato kovris la supran parton de la atmosfero kaj tiel filtris la sunradiojn RPi KOMP filtri retmesaĝojn filtri datumojn en tabelkalkulilo ➞ kribri.
2 FIZI FOTO traigi lumon tra plato por haltigi parton de la kolorradioj.
3 KOMP per komputilaj algoritmoj trakti bildon por ĝin plibonigi, nebuligi, adapti la koloron, kontraston ktp.
filtra rilata al filtrado: filtra eco de ŝtofo filtra procedo
filtrado ago de filtranto.
filtraĵo likvo ricevita per filtrado.
filtriĝi
2 (figurasence) diseriĝe trairi kvazaŭ tra filtrilo: lunlumo filtriĝis inter la branĉoj kaj trunkoj SEn flustra interparolado filtriĝis tra la fermita pordo la informo filtriĝis en la gazetaron
filtrilo
1 ĉio, kio servas por filtri likvon: filtrilo el papero filtrilo el stamino filtrilo el sablo pasteŭra filtrilo filtrilo por kafo
2 FIZI FOTO plato por filtri lumon: flava filtrilo korekta filtrilo
3 KOMP programo por filtri 3.
4 TELE kvarpoluso, ofte konsistanta el bobenoj kaj kondensiloj, uzata por ebligi aŭ malebligi la pason de difinitaj frekvencoj: interfrekvenca filtrilo altopasa filtrilo malaltopasa filtrilo kvarca filtrilo ceramika filtrilo
bendofiltrilo TELE filtrilo ebliganta la pason de kurentoj, kies frekvencoj troviĝas en difinita zono aŭ bendo.
elfiltri elimini ion per filtrado.
enfiltriĝi eniĝi kvazaŭ tra filtrilo: de la lagbordo enfiltriĝis optimismaj tonoj de blovorkestro FSz mi povas kaŝe enfiltriĝi kaj elfiltriĝi ĉe iu ajn ĉambro EGE
spamofiltrilo KOMP parto de retpoŝtilo aŭ programo ĉe retpoŝta provizanto, kiu apartigas aŭ detruas spamaĵojn: via letero estis barita de iu misagordita spamfiltrilo PPe
suĉofiltri rapide filtri likvon per speciala filtrilo, sub kiu oni povas elsuĉi la aeron por rapidigi la filtradon.