PIV 2026 · Artikolo 5519

★guto

Litero G★ Fundamenta

Derivaĵoj en la artikolo 23
  1. gute
  2. guti
  3. gutad/o
  4. gutet/i
  5. gutet/o
  6. gutig/a
  7. gutig/i
  8. gutig/il/o
  9. gutuj/o
  10. degutad/i
  11. degutig/i
  12. degutig/il/o
  13. elguti
  14. elgutig/i
  15. enguti
  16. engutad/o
  17. pluvguto
  18. pogute
  19. pogutig/i
  20. pogutig/ad/o
  21. pogutig/il/o
  22. traguti
  23. tragutad/i
★ guto
1 ereto de likvo, proksimume regule sfera: guto da roso falis Z gutoj da akvo troviĝis sur ili Z kiu naskigis la gutojn de roso? MT la guto de la pluvo kaj la larmo de ĝojo kunfandiĝis en unu guton Z fali guto post guto ➞ pogute Z pezaj larmoj falis per grandaj gutoj sur la plankon Z senĉesa guto eĉ ŝtonon traboras Z se gut’ al guto aliĝas, maro fariĝas Z unu sola guto la glason plenigas ne trouzu ies paciencon Z
2 malgranda kvanto da likvo: neniu alportis al la malfeliĉa birdo guton da akvo Z nun eĉ la lasta guto el la kruĉo estis eltrinkita Z jen la popoloj estas kiel guto el sitelo MT se unu gut’ de l’ sango mia restus
Trankvila Z
elverŝi sian sangon ĝis la lasta guto plena glaso da vino, sed kun guto da veneno ➞ infekti, ovo 1 Z ĝi estas guto en la maro io sen efiko
3 iom da io abstrakta: ne ekzistas eĉ guto da senco kaj logiko en ĉiuj tiuj ĉi «spritaj» mokoj ➞ ero, grajno, ombro 6 Z pli helpas guto da feliĉo, ol barelo da saĝo Z
4 MEDI la plej malgranda facile apartigebla kvanto da likva kuracilo: ordinare sufiĉas adstringaj gutoj (okulakvoj) Z trinku tiun medikamenton po dek gutoj vespere ➞ gutboteleto, gutflakono.
5 ARKI ĉiu el la konusformaj ornamoj vice metitaj sub dorika kornico.
gute sub formo de gutoj; guton post guto: feliĉo venas gute, malfeliĉo venas flue Z
guti ntr
1 fali aŭ flui en gutoj: ne gutas mielo el la ĉielo Z verŝiĝas la nuboj
Kaj gutas sur multe da homoj MT
de miaj manoj gutis mirho MT sango gutis el lia nazo
2 lasi ion fali de si kvazaŭ en gutoj: viro kun la gutantaj haroj post bano Z la signoj de Viaj piedoj gutas per graso MT tr liaj lipoj gutadas fluidan mirhon MT
gutado elverŝiĝo en gutoj: malpacema edzino estas kiel konstanta gutado same teda MT
guteti guti per maloftaj aŭ maldikaj gutoj.
guteto malgranda guto: nebulaj gutetoj
gutiga servanta por gutigi 2: gutiga flakono gutiga tubeto gutiga vitra stangeto
gutigi
1 aliformigi ion en likvon kaj gutadi: gutigu, ho ĉielo, de supre MT la nuboj gutigis akvon MT lia ĉielo gutigas roson MT
2 faligi gutojn; verŝi pogute: la vento gutigis la arbojn atente gutigu la kuracilon!
gutigilo vitra tubeto, provizita per kaŭĉuka kapuĉeto kaj uzata por verŝi difinitan nombron da gutoj.
gutujo
1 KONS pluvkanaleto.
2 KUIR speco de pato 1 metita sub rostiĝanta kokino aŭ alia viandopeco por ricevi kaj kolekti la gutojn da graso.
degutadi gutadi de io.
degutigi fari, ke la tenata likvo gutu el aŭ de io.
degutigilo hokaro, sur kiun oni povas pendigi botelojn ktp, por ke la likva restaĵo degutu. ➞ telerrako.
elguti guti el io: li prenis ŝtonon en la manon kaj tiel forte premis ĝin, ke akvo elgutis B
elgutigi igi ion elguti: la montoj elgutigos dolĉan sukon MT
enguti fari, ke likvo gutu en ion: okulakvoj, kiujn la paciento mem povas al si engutadi Z ili devas esti engutataj ĉiutage Z engutu atropinon en la dekstran okulon
engutado ago enguti: nitra arĝento, kiun oni uzas por ŝmirado aŭ por engutado Z
pluvguto guto de pluvo: fenestro sur kiu ĉiam pluvgutoj kolektiĝis Sin. pluvero.
pogute guton post guto: preni medikamenton pogute
pogutigi malrapide enverŝi likvon, ekz. medikamenton.
pogutigado ago pogutigi: envejna pogutigado
pogutigilo aparato por pogutigi likvon, ekz. medikamenton.
traguti, tragutadi traiĝi tra io kaj fali en gutoj: pluvo tragutadis tra la tegmento