PIV 2026 · Artikolo 5387

★grajno

Litero G★ Fundamenta

Derivaĵoj en la artikolo 18
  1. grajna
  2. grajnaĵ/o
  3. grajnec/a
  4. grajnet/o
  5. grajnig/i
  6. grajniĝ/i
  7. bel1ograjno
  8. celograjno
  9. disgrajnig/i
  10. disgrajniĝ/i
  11. etgrajna
  12. grandagrajna
  13. kafgrajno
  14. mikrograjna
  15. rizgrajno
  16. semgrajno
  17. tritik/ograjno/j
  18. tutgrajna
★ grajno
1 ĉiu el la fruktoj entenataj en spiko de greno: prenu efon da rostitaj grajnoj MT ĵeti grajnojn al kortobirdoj eĉ blinda kokino povas trovi grajnon Z malgranda kiel grajno de rizo hordeaj panoj kaj freŝaj grajnoj en saketo MT la komerco de grajnoj Sin. semgrajno. ➞ semo, grajnmanĝa.
2 ĉia malgranda seka semo aŭ frukto: grajnoj de pipro grajnoj de kafo grajnoj de pomo grajnoj de piro grajnoj de vinbero ➞ kerneto.
3 malgranda globa objekto, simila al vegetaĵa grajno: hajla grajno sur la fundo de rivero troviĝas grajnoj da oro Z grajnoj de koliero grajnoj de rozario grajnoj de pulvo ➞ bido, perlo.
4 malgranda ronda elstaraĵo de la supraĵo de objekto: la grajnoj de ŝagrino la grando de la grajnoj de akriga disko
5 tre malgranda kvanto da io: estas tamen en la rakonto grajno da vero
6 grano: (figurasence) li ne havas en la kapo eĉ unu grajnon da saĝo
grajna
1 plena de grajnoj, konsistanta el grajnoj: grajna strukturo grajna pulvoro grajna stano
2 GEOL rokaĵo, precipe magma tute konsistanta el kristaloj nudokule videblaj, proksimume samdimensiaj kaj samformaj kiel grajnoj (ekz. granito aŭ gabro). ➞ grandgrajna, etgrajna, mikrolita, porfira, vitra.
grajnaĵo
1 KUIR manĝaĵo farita el grajnoj dispecigitaj: grajnaĵon el freŝaj grajnoj alportu kiel farunoferon MT ➞ kaĉo, ŝrotaĵo.
2 amaso da metalaj grajnetoj: plumba grajnaĵo por ĉaso
grajneca prezentanta aspekton de aro de grajnoj: grajneca ledo grajneca marmoro
grajneto
1 malgranda grajno: la vitra grajneto, kiu sidis en lia okulo Z via idaro estus kiel sablo, kaj viaj devenantoj kiel ĝiaj grajnetoj MT (figurasence) ĉiun grajneton da vero mi kolektis Z
2 = (prefere) granulo.
grajnigi dispecigi mason al grajnoj.
grajniĝi kreski, aperigante grajnojn: la maizo jam grajniĝas grajniĝintaj herboj
bel1ograjno nigra aŭ bruna eta makulo aŭ elstaraĵo, kiu denaske aŭ infanaĝe markas la haŭton. ➞ efelido, lentugo, nevuso, muŝo 3.
celograjno globeto fiksita ĉe la antaŭa ekstremaĵo de pafiltubo por direkti la pafilon al la celo per rigardado tra la celilo aŭ tra la celfendo.
disgrajnigi deŝiri la grajnojn de io: disgrajnigi spikon disgrajnigi grapolon
disgrajniĝi perdi siajn grajnojn, unu post alia.
etgrajna GEOL rokaĵo, precipe magma konsistanta grandparte el kristaloj nudokule nevideblaj (kaj eventuale ankaŭ el malmultaj kristaloj nudokule videblaj): etgrajna granito Sin. mikrograjna. ➞ mikrolita, mikrokristala, porfira.
grandagrajna GEOL rokaĵo, precipe magma tute konsistanta el grandaj kristaloj, almenaŭ 1 cm larĝaj (ekz. pegmatito).
kafgrajno seka semo de kafarbo aŭ kafarbusto. ➞ kafo 2, kafbero.
mikrograjna etgrajna.
rizgrajno rizero.
semgrajno grajno 1: oni plenigis nun la botelon per semgrajnoj Z
tritikograjnoj tritiko 2.
tutgrajna enhavanta la tutan grajnon, ne rafinita: tutgrajna rizo kaj tutgrajna pasto ➞ integra.