PIV 2026 · Artikolo 8693

★kristalo

Litero K★ Fundamenta

Derivaĵoj en la artikolo 14
  1. kristala
  2. kristalaĵ/o
  3. kristalig/a
  4. kristalig/i
  5. kristaliĝ/i
  6. kristaluj/o
  7. elkristaliĝ/i
  8. etkristala
  9. mikrokristala
  10. kvazaŭkristalo
  11. likv/a kristalo
  12. nekristala
  13. pseŭdokristalo
  14. rekristalig/i
★ kristalo
1 FIZI GEOL solida substanco, kiu havas la formon de simetria pluredro pro la regula natura aranĝo de siaj atomoj, jonoj aŭ molekuloj: minerala kristalo organika kristalo kuba kristalo prisma kristalo kristaloj de marsalo ➞ kristaloido, kristalografio, kristalsistemo.
2 tre pura senkolora vitro: kaliko el facetita kristalo spegulo el venecia kristalo vazoj el bohema kristalo (figurasence) la vero estas multfaceta kristalo
3 (figurasence) klaraĵo aŭ diafanaĵo: la kristalo de fontano la kristalo de lago
kristala
1 troviĝanta kun regula kaj difinita strukturo en formo de kristaloj: kristala roko kristala precipitaĵo ➞ amorfa.
2 klara kiel kristalo: kristala fonto
(figurasence) kristala klareco de la prononcado kristala animo
kristalaĵo maso da kristaloj.
kristaliga rilata al kristalo; tia, ke ĝi kristaligas: kristaliga akvo kristaliga kapsulo kristaliga plado
kristaligi
1 doni kristalan formon al io: kristaligi sukeron
2 (figurasence) realigi laŭ difinita formo: tiu amaskunveno ateste kristaligis la deziron de la popolo
kristaliĝi
1 ricevi kristalan formon: sulfuro povas kristaliĝi
2 (figurasence) koncentriĝi en pli konkretan kaj fiksitan formon; realiĝi laŭ difinita formo: lia tuta malamo kristaliĝis en tiu projekto la opinioj ŝajnas kristaliĝi al unueca solvo de la problemo tiu tendenco kristaliĝis en la programo de la societo la lingvo ne devas kristaliĝi rigidiĝi kristaliĝinta ne plu progresanta civilizacio
kristalujo laboratoria vazo, en kiu oni kristaligas.
elkristaliĝi eliĝi el solvaĵo sub formo de kristaloj.
etkristala, mikrokristala GEOL rokaĵo, senatente pri ĝia deveno konsistanta precipe aŭ tute el nur mikroskope videblaj kristaloj. ➞ etgrajna, mikrolita.
kvazaŭkristalo FIZI materio formita el atomoj kun strukturo pli regula ol tiu de vitro, sed malpli regula ol tiu de kristalo.
likva kristalo FIZI KEMI substanco el grandaj molekuloj meze inter stato kristala (orda) kaj likva (senorda).
nekristala FIZI KEMI GEOL ne havanta kristalan strukturon; nekristaliĝinta.
pseŭdokristalo GEOL KEMI substanco ŝajne kristala, sed sen kristala strukturo.
rekristaligi denove kristaligi substancon, kun la celo ĝin purigi, lasante la almiksaĵojn en la restolikvo.