PIV 2026 · Artikolo 5438

★greno

Litero G★ Fundamenta

Derivaĵoj en la artikolo 4
  1. grenej/o
  2. grener/o
  3. verdgrena
  4. verdgreno
★ greno BOTA
1 planto (ĝenerale poaco), kies grajnoj estas mueleblaj kaj ofte uzataj por fari farunon: sur ĉiuj kampoj ĉirkaŭe kreskis greno Z konsumi sian grenon antaŭ ĝia maturiĝo antaŭelspezi estontajn rentojn Z vintra greno printempa greno semotaj en vintro kaj printempo Sin. panherbo. ➞ cerealo, aveno, fagopiro, hordeo, milio 1, rizo, sekalo, tritiko.
2 eta seka unusema frukto de greno 1, havanta la frukton kaj la semon unuigita: kia greno, tia pano Z oni amasigu manĝeblan grenon en la urboj kaj oni ĝin konservu MT kiu retenas grenon por spekulacii, tiun malbenas la popolo MT nek gren’ prosperas, nek la vino, sorĉistino! EUr ➞ ventumi.
grenejo domo, aŭ parto de domo, kie oni konservas draŝitan grenon: li kolektos sian tritikon en la grenejon NT Jozef malfermis ĉiujn grenejojn, kaj vendadis al la Egiptoj MT ➞ silo, subtegmento.
grenero grajno de greno.
verdgrena rilata al verdgrenoj, aŭ uzanta ilin kiel ingrediencon: KUIR verdgrena supo
verdgreno duonmatura grajno de tritiko aŭ de spelto; vendata kiel senŝeligitaj grajnoj, grio aŭ faruno.