PIV 2026 · Artikolo 7050
★kaĉo
Derivaĵoj en la artikolo 10
★ kaĉo
1 KUIR manĝaĵo kun aspekto de mola pasto, el faruno miksita kun lakto aŭ alia likvo, aŭ el legomoj longe kuiritaj kaj duonlikvigitaj per akvo: kaĉo el fazeoloj kaĉo el terpomoj faruna kaĉo por infanoj tro da kuiristoj kaĉon difektas malbona rezulto pro tro multaj kunlaborintoj Z ➞ buljono, grio, kompoto, kremo, marmelado, pureo, supo.
2 (figurasence) senzorge preparita manĝaĵo: kiu kaĉon kuiris, tiu ĝin manĝu ĉiu estu respondeca pri siaj faroj Z el la faraĉo fariĝis kaĉo Z
3 (figurasence) io simila al kaĉo: kota kaĉo sanga kaĉo al mi donu la plezuregon, ke mi faru el li kaĉon! Z ➞ fatraso, kompoto, miksamaso, ŝlimo.
4 (figurasence) malagrabla situacio, en kiu oni troviĝas pro sia agado:ne tiel spektaklu, iu transe eble eĉ aŭdos vin, kaj tiam ĉio estos en la kaĉo HGK sidi en la kaĉo trafi en la kaĉon ➞ enkaĉigi.
kaĉigi kuiri aŭ dispremi ion al kaĉo.
kaĉigilo premilo por kaĉigi. ➞ terpompistilo.
avenkaĉo KUIR manĝaĵo farita per miksado de avena aŭ alispeca grio en lakto aŭ akvo, sukerita aŭ salita: Profesoro Davis trovis la avenkaĉon trokuirita KSt Sin. poriĝo. ➞ muslio.
bebokaĉo flueca kaĉo por malgrandaj infanoj, el faruno (aŭ industrie farita pulvoro) miksita kun lakto aŭ akvo kaj eventuale varmigita aŭ kuirita.
enkaĉigi meti ion en kaĉon: (figurasence) mia onklo havis danĝeran langon, kiu jam plurfoje enkaĉigis lin metis lin en malfacilan situacion ALö
pan1kaĉo KUIR kaĉo el panpecoj en lakto. ➞ pankuko.
piz1kaĉo KUIR kaĉo el verdaj pizoj.
pomkaĉo KUIR kaĉo el pomoj, ofte spicita aŭ dolĉigita.
rizkaĉo KUIR densa kaĉo el rizo boligita en akvo.