PIV 2026 · Artikolo 12554

★pomo

Litero P★ Fundamenta

Derivaĵoj en la artikolo 17
  1. poma
  2. pomoarb/o
  3. pomet/o
  4. pomuj/o
  5. adam1pomo
  6. akaĵupomo
  7. dorn/opomo
  8. dorn/opomuj/o
  9. dorn/opomarb/o
  10. gorĝ/a pomo
  11. sukerpomo
  12. sukerpomarb/o
  13. sukerpomuj/o
  14. tabl/opomo
  15. terpoma
  16. terpomo
  17. dolĉ/a terpomo
★ pomo
1 BOTA frukto de pomarbo, precipe de pomarbo 1: bereca ŝajndrupo globa (aŭ preskaŭ globa), kun firma kaj sukplena karno, plurmonate konservebla, manĝata kruda aŭ kuirita, uzata i.a. por konfitaĵoj, ĵeleoj kaj suko kaj en la fabrikado de cidro: rostitaj pomoj ĵeti al iu putrajn pomojn
2 frukto aŭ tubero proksimume samforma kiel pomo 1, sed de alia planto ol pomarbo. ➞ sukerpomo, akaĵupomo.
3 objekto kun formo de pomo 1: la pomo = globo de la okulo MITO pomo de malkonkordo ora pomo ĵetita al la diinoj Hera, Ateno 3 kaj Afrodito 2, kun la surskribo: «Al la plej bela!»
poma rilata al pomo(j): poma vino poma kaĉo
pomoarbo
1 KOMU BOTA arbo, speco de maluso, kultivata por la produktado de pomoj, precipe la specio doma maluso. genro Malus precipe specio domestica
2 BOTA aliaj specoj de maluso: sovaĝa pomarbo ➞ sovaĝa maluso
pometo
1 eta pomo.
2 ANAT ĉiu el la du elstaraj partoj de la vango sub la okulo. ➞ zigomo.
pomujo
1 ujo por kolekti pomojn.
2 pomarbo.
adam1pomo ANAT gorĝa pomo.
akaĵupomo fruktosimile ŝvelinta, flava aŭ ruĝa supra parto de la pedunklo de akaĵuarbo, portanta la akaĵunukson; ĝi gustas kvazaŭ pomo kaj estas uzata por farado de suko, kaĉo, konfitaĵo, vino kaj brando.
dornopomo frukto de daturo.
dornopomujo, dornopomarbo daturo.
gorĝa pomo ANAT elstaraĵo de la antaŭa parto de kolo, responda al la tireoido, aparte rimarkebla ĉe viroj. Sin. adampomo.
sukerpomo BOTA frukto de sukerpomarbo; plurobla bero aspektanta kiel ananaso, sed kun karno blanka, kremeca kaj tre aroma, kun aparta gusto.
sukerpomarbo, sukerpomujo BOTA tufarbusto produktanta sukerpomojn. specio Annona squamosa Sin. skvama anono.
tablopomo kultivovario de pomo ĝenerale manĝata kruda.
terpoma manĝaĵo farita el terpomo(j): terpoma kaĉo terpoma pureo
terpomo BOTA
1 plurjara herbo, kun subteraj stolonoj, apekse produktantaj pomgrandajn tuberojn; kun plume kunmetaj folioj kaj kun blankaj aŭ violbluaj floroj kun flava centro; origine el Andoj, hodiaŭ multaj kultivoformoj estas vaste kultivataj por tuberoj amelriĉaj, tre uzataj en la homa nutrado. specio Solanum tuberosum Sin. tubera solano. ➞ leptinotarso.
2 KOMU manĝebla tubero de terpomo 1: KUIR bakitaj terpomoj frititaj terpomoj pufigitaj terpomoj stufitaj terpomoj fritŝveligitaj terpomoj pajle frititaj terpomoj ŝelkuiritaj terpomoj ➞ ĉipso, frito, terpomfloko, terpomfrito.
dolĉa terpomo legomo, verŝajne origine el tropika Ameriko, kultivata en tropikaj kaj varmaj regionoj por tuberaj radikoj 1–5 kg pezaj, subteraj, uzataj kvazaŭ terpomoj. specio Ipomoea batatas Sin. batato.