PIV 2026 · Artikolo 4854

★frukto

Litero F★ Fundamenta

Derivaĵoj en la artikolo 48
  1. frukta
  2. frukti
  3. fruktaĵ/o
  4. fruktej/o
  5. frukter/o
  6. fruktig/i
  7. fruktuj/o
  8. aken1/ec/a frukto
  9. ask/ofrukto
  10. bazidiofrukto
  11. ber/ec/a frukto
  12. drup/ec/a frukto
  13. fagofrukto
  14. kalabasofrukto
  15. kapsul/ec/a frukto
  16. kern/ofrukto
  17. kiviofrukto
  18. flav/a kiviofrukto
  19. verd/a kiviofrukto
  20. kiviofruktarbust/o
  21. kiviofruktuj/o
  22. flav/a kiviofruktarbust/o
  23. flav/a kiviofruktuj/o
  24. verd/a kiviofruktarbust/o
  25. verd/a kiviofruktuj/o
  26. kompleks/a frukto
  27. kornusofrukto
  28. kukumofrukto
  29. kukurb/ofrukto
  30. kun/met/a frukto
  31. plur/obl/a frukto
  32. marofrukto
  33. melonofrukto
  34. migdalfrukto
  35. papajofrukto
  36. pasifrukto
  37. banan/a pasifrukto
  38. pasifruktuj/o
  39. banan/a pasifruktuj/o
  40. pinofrukto
  41. pseŭdofrukto
  42. senfrukta
  43. senfruktig/i
  44. senfruktiĝ/i
  45. senfruktul/o
  46. simpl/a frukto
  47. sporofrukto
  48. ŝajnfrukto
★ frukto
1 BOTA organo de florplanto, formita el fekundiĝinta floro, aŭ pluraj floroj, kie semoj estiĝas: seka frukto karna frukto ➞ fruktokorpo, fruktozo.
2 KOMU tiu organo de fruktarbo, ĉe kiu ĝi estas manĝebla: maturaj fruktoj fruaj fruktoj sekigitaj fruktoj surtabligi la fruktojn en fino de la manĝo la malpermesita frukto Genezo 3 Eva deŝiris la frukton de la sciado Z frukto malpermesita estas plej bongusta Z laŭ la frukto oni arbon ekkonas Z ne falas frukto malproksime de l’ arbo ➞ boji Z ➞ fruktobutiko, fruktokultivo, fruktotenejo, fruktovendisto.
3 (analoge) ĉiu produkto de la tero aŭ de vivantaj estaĵoj: la fruktojn de via tero ekposedos la insektoj MT benita estos la frukto de via ventro kaj la frukto de via tero kaj la frukto de via bruto MT li estas la unua frukto de lia forto unuenaskito MT (figurasence) frukto de l’ imago Z
4 profita rezulto produktita de io: li havu la konscion, ke la fruktoj de lia laboro neniam pereos Z mi fordonis por ĉiam ĉiujn fruktojn, kiujn mi havis la rajton esperi por miaj multjaraj laboroj kaj suferoj Z tio estas frukto de lia unuatempa verkado mia opinio estas nur frukto de 19-jara sperto Z lernado sen fruktoj ne restas Z se iam venos tiu feliĉa tempo, ĝi estos la frukto de konstanta kaj senlaca laborado Z ➞ krono 1, prezo, rekompenco, rento.
frukta
1 rilata al fruktoj: frukta arbo Z frukta ĝardeno Z ➞ fruktogusta.
frukti ntr
1 doni fruktojn aŭ idojn: ĉiuj bestoj moviĝu sur la tero kaj fruktu MT la Izraelidoj fruktis kaj diskreskis MT ili fruktis kaj multiĝis GMc
2 (figurasence) doni profitan rezulton: mia plano estas tia,
Kaj mi esperas, ke ĝi bone fruktos Z
el tiuj laboroj fruktis la teksto de la kongresa rezolucio BPi ➞ flori, prosperi 1, sukcesi.
fruktaĵo KUIR manĝaĵo farita el fruktoj. ➞ kaĉo, kompoto, konfitaĵo, ŝorbeto.
fruktejo fruktoĝardeno.
fruktero BOTA frukteto, kiu formas parton de plurobla aŭ kunmeta frukto, ekz. de rubuso.
fruktigi kaŭzi produkti multajn fruktojn: Li diris al mi: Mi fruktigos vin kaj multigos vin MT ➞ fekundigi.
fruktujo plado aŭ vazo por surtabligi fruktojn.
aken1eca frukto BOTA seka nedehiska frukto, ekz. akeno 1 aŭ kariopso.
askofrukto BOTA askujo.
bazidiofrukto BOTA bazidiujo.
bereca frukto BOTA karna frukto, kun semoj ne entenataj de kerno, ekz. bero aŭ peponedo.
drupeca frukto BOTA karna frukto kun semoj entenataj de unu aŭ pluraj kernoj ekz. drupo.
fagofrukto BOTA fagnukso.
kalabasofrukto BOTA kalabaso 1.
kapsuleca frukto BOTA seka dehiska frukto, ekz. kapsulo, foliklo aŭ guŝo.
kernofrukto drupo.
kiviofrukto BOTA frukto de kivifruktarbusto; oblonga bero kun bruna mallonghara ŝelo kaj hele verda acideta sukplena karno riĉa je vitamino C.
flava kiviofrukto frukto de flava kivifruktarbusto, kun flava pulpo, pli dolĉa kaj kun malpli acida gusto ol la verda.
verda kiviofrukto frukto de verda kivifruktarbusto, kivifrukto kun verda pulpo, hejma en orienta Azio, kultivata en multaj regionoj ne tro malvarmaj, i.a. en Nov-Zelando.
kiviofruktarbusto, kiviofruktujo dioika aŭ poligamia liano, hejma en orienta kaj sudorienta Azio; ĝenerale grimpa, kun blankaj aŭ flavetaj floroj en cumoj aŭ korimboj, kaj kun fruktoj (beroj) ĝenerale manĝeblaj. ➞ aktinidio.
flava kiviofruktarbusto, flava kiviofruktujo kivifruktarbusto, kiu produktas flavajn kivifruktojn. specio Actinidia chinensis Sin. ĉina aktinidio.
verda kiviofruktarbusto, verda kiviofruktujo kivifruktarbusto, kiu produktas verdajn kivifruktojn, hejma en orienta Azio, kultivata en multaj regionoj ne tro malvarmaj, i.a. en Nov-Zelando. specio Actinidia chinensis var. deliciosa Sin. delica aktinidio.
kompleksa frukto BOTA ŝajnfrukto.
kornusofrukto BOTA frukto de kornuso, manĝebla kaj acideta ĉe iuj specioj, i.a. ĉe Cornus mas.
kukumofrukto kukumo 1.
kukurbofrukto kukurbo 1.
kunmeta frukto, plurobla frukto BOTA frukto, kiu devenas el unu floro kun pluraj liberaj karpeloj, ekz. plurakenoj aŭ plurdrupetoj de rubuso.
marofrukto KUIR manĝebla mara vivulo alia ol fiŝo, precipe molusko aŭ krustaco: pli ol 20 tunoj da vivaj marfruktoj estis trovitaj komence de aŭtuno 2017 en fridkamiono RPi Sin. marisko. ➞ frukto 3.
melonofrukto melono 1.
migdalfrukto migdalo 1.
papajofrukto papajo.
pasifrukto frukto (bero) de diversaj specoj de pasifloro. ➞ barbadeno, grenadilo.
banana pasifrukto frukto de la banana pasifruktujo, pli oblonga ol la aliaj fruktoj.
pasifruktujo liano, speco de pasifloro, kiu donas pasifruktojn.
banana pasifruktujo liano, diversspeca invadema trudherbo en diversaj varmaj landoj. Passiflora supersectio Tacsonia
pinofrukto KOMU pinkonuso.
pseŭdofrukto BOTA ŝajnfrukto.
senfrukta
1 ne portanta fruktojn: Saraj estis senfrukta kaj ne havis infanon MT la tero estas senfrukta MT ➞ sterila.
2 vana: senfruktaj provoj Z
senfruktigi igi iun aŭ ion senfrukta: li ne senfruktigu al vi la vinberbranĉojn MT
senfruktiĝi iu aŭ io iĝi senfrukta: senfruktiĝos viaj olivarboj MT
senfruktulo homo sen infano: ne estos inter vi senfruktulo aŭ senfruktulino MT
simpla frukto BOTA frukto, kiu devenas el unu floro unukarpela aŭ kun pluraj kuniĝintaj karpeloj, ekz. guŝo, simpla bero aŭ simpla akeno 1.
sporofrukto BOTA sporujo de la miksomikotoj.
ŝajnfrukto BOTA frukto, kiu devenas el la kuniĝo de la karpeloj de unu floro (ĉe simpla ŝajnfrukto) aŭ pluraj (ĉe kunmeta ŝajnfrukto) kun aliaj organoj (i.a. kaliko, korolo aŭ receptaklo), kiuj konsistigas gravan parton de la frukto; ekz. ananaso (kunmeta ŝajnfrukto), frago aŭ pomo (simplaj ŝajnfruktoj). Sin. kompleksa frukto, pseŭdofrukto.