PIV Reta Vortaro

PIV · 8394

konus/o

1 Aro, kiu egalas al sia bildo per ajna homotetio, aŭ konvena subaro de ĝi.

2 Objekto havanta proksimuman formon de konuso, cirklan bazon k pintan finiĝon: konuso da sukero, da sablo; taksuso tajlita en formo de konuso; (analoge) konuso da ombro (konusa ombro, ĵetata de prilumata planedo); konuso el lumradioj.

3 La karakteriza infloresko k ŝajna frukto de la plejparto de la koniferoj; ĝi konsistas el ligneca akso, sur kiu sidas, plejofte ŝraŭbaranĝe, multaj skvamoformaj, ligneciĝantaj folioj, kies interna flanko portas du (malofte plurajn) unue ovolojn, poste semojn: abikonuso, pinkonuso. strobilo.

paraleltrunkita konuso La parto de konuso inter du paralelaj ebenoj.

konusa

1 Rilata al konuso: konusa sekcaĵo (konusa tranĉaĵo = koniko).

2 Simila al konuso: konusa flakono, konusa balono.

konuseto Lumriceva ĉelo, troviĝanta precipe en la centra parto de retino. bastoneto.

berkonuso Berŝajna, globa konuso de iuj koniferoj, precipe junipero.

keratkonuso Kurbeca misformiĝo de la korneo, kiu pintiĝas antaŭen kvazaŭ konuso.