★ananas/o

1 🍁 G. (Ananas el bromeliacoj) de agavosimilaj plantoj plurjaraj, daŭrafoliaj, kun metrolongaj, ĉe la plej multaj formoj dornarandaj folioj, k kun konussimila, ĝis 1−3-kilograma kunmeta ŝajnfrukto, konsistanta el la maturiĝinta infloresko, kies elementoj (akso, brakteoj, floroj k poste veraj fruktoj) kuniĝas; 8 sp-oj el tropika Ameriko, i.a. A. comosus grandskale kultivata en la tropikaj regionoj.

2 👥 La manĝebla ŝajnfrukto de ananasujo: sovaĝa pomo eĉ en la paradiza ĝardeno mem neniam fariĝos ananaso! ^Z. Sin. ananasfrukto.