PIV 2026 · Artikolo 8846

kultivi

Litero K

Derivaĵoj en la artikolo 18
  1. kultivo
  2. kultivad/o
  3. altern/a kultivad/o
  4. kultivaĵ/o
  5. kultivebl/a
  6. kultivej/o
  7. kultivist/o
  8. arb/arkultivo
  9. arb/okultivo
  10. florkultivo
  11. florkultivej/o
  12. forst/okultivo
  13. frukt/okultivo
  14. plurkultivo
  15. sang/okultivo
  16. terkultivo
  17. unukultivo
  18. vin/berkultivist/o
kultivi tr
1 kreskigi plantojn, prilaborante la teron aŭ akvon kaj havigante plej favorajn kondiĉojn: mi kultivas sikomorojn MT sovaĝaj kaj kultivitaj rozoj kultivi legomojn sur likva nutraĵo kultivi akvajn plantojn en akvario ➞ ekspluati, forci, plugi, kulturi.
2 meti ion en favorajn kondiĉojn, por ke ĝi atingu plenan kreskon, multiĝon ktp: BAKT BIOL kultivi mikrobojn en solvaĵo kultivi histojn en nutra medio kultivi perlojn (analoge) kultivi siajn muskolojn kultivi sian memoron (figurasence) kultivi la zamenhofan spiriton
kultivo, kultivado ago kultivi: kultivado de tulipoj kultivado de terpomoj ➞ alterna kultivado.
alterna kultivado laŭplana sinsekva kultivado de diversaj plantoj por kiel eble plej racie ekspluati la grundon.
kultivaĵo
1 plantaro kultivata: kultivaĵo de tabako ĝardenaj kultivaĵoj subvitra kultivaĵo
2 la rezulto de kultivo: BAKT kultivaĵo de pestaj baciloj
kultivebla tia, ke ĝi povas esti kultivata: facile kultivebla specio
kultivejo loko, kie oni kultivas certan specion de plantoj. ➞ plantejo.
kultivisto iu, kies metio estas kultivado.
arbarkultivo ARBA arbokultivo cele al (re)kreo de arbaro. Sin. forstokultivo.
arbokultivo kultivo de arboj kaj arbustoj.
florkultivo produktado de ornamaj floroj.
florkultivejo loko, kie oni amase kultivas florojn.
forstokultivo ARBA arbarkultivo.
fruktokultivo produktado de fruktoj de kultivataj arboj kaj arbustoj.
plurkultivo kultivo de pluraj specoj de vegetaĵoj, eĉ sur malgranda areo.
sangokultivo MEDI provo kultivi mikrobojn el sangospecimeno de malsanulo por diagnozi la malsanon.
terkultivo (evitinde) = terkulturo.
unukultivo kultivo de nur unu (aŭ preskaŭ nur unu) speco de vegetaĵo sur vastaj areoj.
vinberkultivisto iu, kiu metie kultivas vitojn.