PIV 2026 · Artikolo 4613
★floro
Derivaĵoj en la artikolo 46
- flora
- flori
- florad/o
- floraĵ/o
- florej/o
- floret/o
- florist/o
- floruj/o
- florum/i
- agl/ofloro
- astr/ofloro
- buterofloro
- buterofloro de la diabl/o
- ĉirkaŭfloro
- disflori
- disk/ofloro
- ekflori
- etern/ofloro
- flamofloro
- flameng/ofloro
- hermafrodit1flora
- kadavr/ofloro
- kask/ofloro
- blu/a kask/ofloro
- kloŝofloro
- krest/ofloro
- krucofloro
- kukolofloro
- lang/etoflora
- lang/etofloro
- lang/ofloro
- maj1ofloro
- Maj1ofloro
- mirofloro
- neĝofloro
- paperofloro
- radi1floro
- rand1/ofloro
- reflori
- sang/ofloro
- simiofloro
- sunofloro
- trumpetofloro
- tub/etoflora
- tub/etofloro
- tubofloro
★ floro
1 KOMU plantparto, ĝenerale kolora, ofte bonodora, enhavanta la reproduktiĝajn organojn (stamenoj kaj/aŭ pistilo), kiujn ĉirkaŭas specialaj folioj (petaloj kaj sepaloj): kampaj floroj ornamaj floroj la floroj jam estas sur la tero MT rozo estas floro FE derompi la florojn de la trunketoj Z ŝiri florojn Z inter ĉiuj du folioj de la libro kuŝis velkintaj floroj Z bukedo da floroj unu floro ne estas krono Z ➞ florkultivejo, florvendejo, florvendisto.
2 BOTA reproduktiĝa ŝoso de la semplantoj, naskanta maksimume 4 grupojn de specialiĝintaj folioj, de interne eksteren: inseksaj folioj (karpeloj), virseksaj folioj (stamenoj), internaj ĉirkaŭaj folioj (petaloj, ofte koloraj) kaj eksteraj ĉirkaŭaj folioj (sepaloj, ĝenerale verdaj); la du lastaj konsistigas perianton:ĉe multaj angiospermoj la floroj estas kompletaj, dum ĉe ĉiuj gimnospermoj ili estas nekompletaj, senperiantaj kaj unuseksaj papiliforma floro de fabaco ➞ infloresko, flaŭro, regula.
3 (figurasence) plej bela aŭ brila parto: en floro de juneco kaj beleco Z homo en la floro de la jaroj Z (analoge) floroj de retoriko stilfiguroj
flora rilata al floro aŭ havanta aŭ similanta florojn: flora folieto petalo talio flora KKa la junecon floran Detruis la frenezo! Z
flori ntr
1 naski aŭ disvolvi florojn: la plantoj floras en printempo mi vidis florantan rozarbetaĵon Z
2 (figurasence) esti en la brilo de la juneco: floranta knabina kapo elrigardis tra fenestro Z ŝi floris en naivo pura
3 (figurasence) esti en prospera stato: inter Anglujo kaj Danujo La amikeco floru Z la artoj ne plu floras en tiu forlasita lando en la florantaj tagoj de Romo nia afero kresku kaj floru Per ni en tuta la mondo! Z unu floras, alia ploras Z virtuloj floros kiel juna folio MT
florado
1 stato de io, kio floras: ĉiuj imageblaj floroj staris tie en plej luksa florado Z
2 tempo, kiam la plantoj floras: tiu arbeto havas malfruan floradon
3 (figurasence) tempo de la prospero: la florado de la vivo Z mi estis mortigita en florado De miaj pekoj Z
floraĵo
1 (arĥaismo) = floro: la floranta siringo klinis siajn floraĵojn super la kapon de la mortinto Z dolĉe odoris la floraĵoj de la pomarboj Z
2 desegnaĵo ornama en formo de floroj: la floraĵoj de ŝtofo la floraĵoj de tapetpapero
florejo ĝardeno kun ornamaj floroj: verdaĵo de legomĝardenoj, ĝardenetoj kaj florejoj VVa ➞ florkultivejo.
floreto malgranda floro: malriĉa, malestimata floreto Z
floristo iu, kiu kultivas kaj vendas florojn. ➞ florvendisto.
florujo poto aŭ vazo por floroj.
florumi tr ornami ion per floroj detranĉitaj: florumi altaron
aglofloro plurjara herbo kun multebranĉa tigo kaj diverskoloraj floroj, kies kvin petaloj ĉebaze plilongiĝas per po unu iom longa nektardona sprono; el la mezvarmaj regionoj de la norda hemisfero. genro Aquilegia Sin. akvilegio. ➞ ranunkolaco.
astrofloro astero: blanka astrofloro en la arbaro Z
buterofloro BOTA leontodo.
disflori
1 floro malfermiĝi: la rozo lante disfloris
2 (figurasence) disvastiĝi: se la lepro disfloros sur la haŭto MT
diskofloro tubetfloro.
ekflori kovriĝi per floroj; komenci flori: violoj timeme ekfloris jen ekfloris la bastono de Aaron MT
(figurasence) li vidis, kiel nova generacio ekfloris Z en la estonteco Izrael ekfloros MT la fiero ekfloris MT
eternofloro planto (plurjara herbo, arbusteto aŭ tufarbusto) kun daŭremaj ofte lanecaj folioj; kun infloreskoj (kapituloj) ĉirkaŭitaj de brakteoj ofte koloraj kaj petalecaj; el la sufiĉe varmaj partoj de la Malnova Mondo; pluraj specioj estas orname kultivataj. genro Helichrysum Sin. helikrizo. ➞ asteraco.
flamengofloro BOTA anturio, kun mallarĝaj pintapeksaj ledecaj folioj, kun multaj floroj en flava aŭ ruĝa spadiko kaj kun skarlate ruĝa spirale kurba spato; hejma en Gvatemalo kaj Kostariko, orname kultivata eĉ en mezvarmaj landoj. specio Anthurium scherzerianum
hermafrodit1flora BOTA planto ĉe kiu ĉiuj floroj estas hermafroditaj. ➞ ambaŭseksa, monoika, dioika, poligamia.
kadavrofloro sukulenta plurjara herbo kun ĝenerale kvarflankaj klorofilaj tigoj, sen aŭ kun nur rudimentaj folioj fruevolue defalantaj kaj kun stelformaj floroj eligantaj kadavran odoron; el tropika kaj suda Afriko; pluraj specioj estas orname kultivataj. genro Stapelia Sin. stapelio.
kaskofloro unujara aŭ plurjara herbo, tre venena, kun kaskoformaj floroj bluaj, violaj, flavaj aŭ blankaj; nordhemisfera. genro Aconitum Sin. akonito. ➞ ranunkolaco.
blua kaskofloro kaskofloro el Eŭropo kaj Azio, kun bluaj floroj, orname kultivata (pluraj varioj havas diverskolorajn florojn) kaj medicine uzata. specio Aconitum napellus Sin. blua akonito, napelo.
kloŝofloro unu-, du- aŭ plur-jara herbo, kun regulaj epiginaj kloŝformaj floroj ĝenerale bluaj, unuopaj aŭ diverse ariĝintaj (cume, grapole, spike, kape); el la norda hemisfero kaj tropikaj montaroj; multaj specioj estas orname kultivataj.genro Campanula Sin. kampanulo. ➞ kloŝeto, rapunkolo, trakelio; kampanulaco.
krestofloro amaranto aŭ simila specio: la grandaj krestofloroj ĉiuj stariĝas flanke en vico Z
krucofloro brasikaco.
kukolofloro speco de sileno 1, plurjara herbo hejma de Eŭropo ĝis meza Azio, kun ruĝe rozaj floroj, orname kultivata. specio Silene flos-cuculi Sin. kukolflora sileno.
langetoflora BOTA
1 rilata al langetfloro.
2 konsistanta el langetfloroj: langetflora kapitulo ➞ radia, tubetflora.
langetofloro BOTA floro de iuj asteraco, konsistanta el bazo tubforma kaj supro sterniĝanta en flankan langetforman parton (langeto 2) apekse 3–5-dentan.
langofloro = (prefere) langetfloro.
maj1ofloro konvalo.
Maj1ofloro la ŝipo de tiuj angloj, kiuj fondis la unuajn koloniojn en Nord-Ameriko.
mirofloro ŝajnjalapo.
paperofloro artefarita floro el kolora papero.
radi1floro BOTA (arĥaismo) membro de grupo (eksa tribo) de asteraco, kies specioj havas radiajn kapitulojn, ekz. astero, beliso kaj leŭkanto.
rand1ofloro ĉirkaŭfloro.
reflori duafoje flori: la rozarbeto refloris en aŭtuno (figurasence) la gajeco De l’ viv’ en mi neniam plu refloros Z
sangofloro plurjara herbo, kun ruĝaj aŭ blankaj floroj en ofte grandaj okulfrapaj infloreskoj kap- aŭ umbel-formaj; el suda Afriko; kelkaj specioj estas orname kultivataj. genro Haemanthus Sin. hemanto. ➞ amarilidaco.
simiofloro BOTA unu- aŭ plur-jara herbo aŭ arbusteto kun unuope akselaj floroj, kies neregula korolo havas cilindran tubon violan, flavan aŭ ruĝan kaj kies stigmo havas du platajn lobojn, kiuj ĉe tuŝeto fermiĝas unu kontraŭ la alia; el suda Afriko, Azio kaj precipe Ameriko; pluraj specioj estas orname kultivataj. genro Mimulus Sin. mimulo. ➞ frimaco.
sunofloro unujara helianto, el Usono, kun oleo- kaj protein-riĉaj semoj uzataj por nutrado de bestoj kaj homo kaj por produktado de manĝoleo. Helianthus annuus Sin. unujara helianto.
trumpetofloro pleje lignoplanto aŭ liano, sed iuj preskaŭlignaj, iuj herboj; preskaŭ tutmonda, sed ĉefe tropika, ĉefe en norda Sudameriko. familio Bignoniaceae ➞ bignonio 2.
tubetoflora BOTA
1 rilata al tubetfloro.
2 konsistanta el tubetfloroj: tubetflora kapitulo ➞ langetflora, radia.
tubetofloro BOTA tubetforma floro de iuj asteraco, interne de la kapitulo ĉe multaj specioj. Sin. diskofloro.
tubofloro = (prefere) tubetfloro.